Aanand Grover Ke NGO 'Lauyars Kalektiv Par CBI Ne Darj Kiya Maamala

India »

Aanand Grover Ke NGO 'Lauyars Kalektiv Par CBI Ne Darj Kiya Maamala

Nai Delhi Keindreeya jaanch bureau (CBI) ne videshi madad haasil karne mein niyamon ke kathit ullanghan ko lekar jaane maane vakeel aanand Grover aur Mumbai sthit unke NGO 'Lauyars kalektiv' ke khilaaf maamala darj kiya hai. Adhikaariyon ne yeh jaankaari di. Agency ne gruh mantraalaya ki shikaayat ke aadhaar par praathamiki darj ki hai. Mantraalaya ne samooh ko mili videshi madad ke istemaal mein kai visangatiyaan hone ka aarop lagaaya hai. Haalaanki lauyars kalektiv ne aaropon ko aadhaaraheen bataaya hai. Unhonne aarop lagaaya ki NGO ke sansthaapak Grover ko yeh chup karaane ki saajish hai kyonki unka sangathan kuchh samvedansheel maamalon ko utha raha hai. CBI ne 'Lauyars kalektiv' ke adhyaksh Grover aur sangathan ke agyaat padaadhikaariyon ke alaava anya agyaat adhikaariyon ke khilaaf maamala darj kiya hai. Grover poorv atirikt solicitor general aur Supreme court ki varishth vakeel indira jayasinh ke pati hain. Haalaanki CBI ne jayasinh ko praathamiki mein aaropi ke roop mein naamajad naheen kiya hai, lekin mantraalaya ki shikaayat mein unke khilaaf bhi aarop lagaae gaye hain. Mantraalaya ki shikaayat ab praathamiki ka hissa hai. Mantraalaya ki shikaayat ke anusaar 2009 se 2014 tak eesaji ke taur par jayasinh ne 'Lauyars kalektiv' ko mile videshi chande se 96.60 lakh rupae praapt kiye. Ismein yeh bhi kaha gaya hai ki eesaji ke taur par unki videsh yaatraaon ke liye 'Lauyars kalektiv' ne dhan muhaiya karaaya. Unhonne mantraalaya ki poorv sveekruti ke bina aisa kiya. Mantraalaya ki shikaayat ke anusaar samooh ko 2006-07 aur 2014-15 ke beech 32.39 karod rupae ki videshi sahaayata mili thi jismein aniymittaaen ki gain jo videshi chanda (viniyman) adhiniyam (FCRA) ka ullanghan hai. Mantraalaya ne kaha ki NGO ki upalabdh jaankaari aur rekaurdon ki jaanch ke aadhaar par FCRA,2010 ke vibhinn praavadhaanon ka pratham drushtya ullanghan paaya gaya. Mantraalaya ne daava kiya ki jaanch ke dauraan paae gaye ullanghanon ke aadhaar par NGO se javaab maanga gaya tha lekin use santoshajanak uttar naheen mile. Iske baad usaka FCRA panjeekaran nilambit kar diya gaya aur kaaran bataao notice jaari kiya gaya. Haal mein Supreme court mein 'Lauyars vaayas' dvaara daayar ek janahit yaachika mein aarop lagaaya gaya tha ki 'Lauyars kalektiv' dvaara ekatr chande ka 'Desh ke khilaaf gatividhiyon' mein durupayog kiya gaya.

Aanand Grover Ke NGO 'Lauyars Kalektiv Par CBI Ne Darj Kiya Maamala https://www.angrejinews.com/pic/281877