Aalok Ranjan Bane Kaaryavaahak Vishesh Sachiv
India » Thursday, April 25, 2013
teeenaen. Lucknow : Uttar pradesh ke mukhyamantri Akhilesh Yadav ke saath America daure par gaye raajya ke vishesh sachiv jaaved usmaani ki jagah krushi utpaadan aayukt aalok ranjan ko pradesh ka kaaryavaahak vishesh sachiv niyukt kiya gaya hai. Mukhyamantri Akhilesh Yadav aur nagar vikaas mantri aajam Khan ko Kumbh mele mein prejeinteshan dene ke liye America aamantrit kiya gaya hai. Mangalvaar ko satta ke galiyaaron mein is tarah ki charcha thi ki Akhilesh ki gairahaajiri mein SP ke varishth neta aur lokanirmaan mantri shivpaal Yadav raajya ke kaaryavaahak mukhyamantri honge. Nai Delhi ke liye ravaana hone se pehle ghanton tak Akhilesh aur shivpaal ke beech baithak se is tarah ki afavaahon ko bal mila. Haalaanki party pravakta raajeindr chaudhari ka kehna hai ki is sambandh mein aadhikaarik aadesh jaari na hone se is faisale ko ab tak laagoo naheen kiya ja saka hai. SP pravakta raajeindr chaudhari ne kaha ki Akhilesh ke 27 April ko America daure se lautane ke baad hi neetigat nirnaya liye ja sakeinge.