'Aakhiri Dam Tak Vyavastha Badalne Ki Ladaai Ladeinge

Breaking »

'Aakhiri Dam Tak Vyavastha Badalne Ki Ladaai Ladeinge

ek samvaadadaata . Noonh samaajasevi anna hajaare apni jantantra yaatra ke tahat mangalvaar ki dopahar noonh shahar sthit Gandhi park pahunche. Yahaan unhonne ek baar fir bhrashtaachaar ko mitaane ki baat kahi. Is beech jile ke sonkh gaanv mein sthaaneeya logon ne anna hajaare aur unke sahayogiyon ka jordaar svaagat kiya. Vahaan bheed ke josh ko dekhkar anna hajaare ne ek nukkad sabha ko sambodhit kiya. Gandhi park mein anna hajaare ne kaha ki 2 saal mein vah 6 cabinet mantri ke saath-saath 400 se adhikaariyon ko ghar baitha chuke hain. Unhonne kaha ki jab tak unke shareer mein praan hai tab tak vah vyavastha ko badalne aur bhrashtaachaar ko mitaane ki ladaai jaari rakheinge. Iske liye vah desh ke kone-kone jaakar logon se sahayog ki appeal kareinge. Unhonne kaha ki vah is yaatra ke dauraan gaanv aur tahaseel ke saath-saath jilaastar par bhi kamitiyon ka gathan kar desh bhar se kareeb 6 karod logon ko jodeinge. Takareeban 4-5 maheene baad Delhi mein jan sansad ka aayojan kiya jaaega. Unhonne kaha ki vah Gandhi ji ke raaste par chalne ka prayatn kar rahe hain. Anna hajaare ne kaha ki vah desh ki seva mein takareeban 4 dashak se ghar-baar chhod chuke hain. Takareeban 26 saal ki aayu mein hi unhonne desh va samaaj ki bhalaai mein jeene-marne ki thaan li thi. Desh ko bhrashtaachaar jaisi buraaiyon ke khilaaf ekajut karne ke liye hamesha ladaai ladte raheinge. Hajaare ne kaha ki unhonne 2 saal pehle bhrashtaachaar ke khilaaf ladaai shuroo ki thi. Yah ladaai talavaar ki dhaar se tej hai lekin unhein anjaam ki paravaah naheen hai. Samaaj ki bhalaai ke liye vah din raat jute hain. Is mauke par poorv sena adhyaksh vi. Ke. Singh, santosh bhaarateeya, soofi jilaani, aridman urf billoo, poorv jila baar asosiyeshan pradhaan taahir husain roopadiya, naresh Kumar soni, ramajaan chaudhari aidavoket, laala Kamlesh mangala, manjoo lata Singh edavoket, kunvar surendr rajaavat aadi maujood the.

'Aakhiri Dam Tak Vyavastha Badalne Ki Ladaai Ladeinge https://www.angrejinews.com/pic/5006