Aakhir Maidaan Par Kyon Bhide Kohli Aur Gambhir

Cricket »

Aakhir Maidaan Par Kyon Bhide Kohli Aur Gambhir

Susheel Kumar tripaathi nai Delhi. . Budhvaar ko IPL ke ek match ke dauraan Gautam gambhir aur viraat Kohli maidaan par hi bhid gaye. Team India mein bade khilaadiyon mein aapas mein takaraar hoti rahi hai, lekin ab tak yah sab dresing room tak hi seemit rahata tha. Lekin, lagta hai ki ab team India ke dresing room ki garmi IPL match ke dauraan maidaan par aa rahi hai. IPL mein ek doosare ke raaival hone ke baad bhi ab tak bade khilaadiyon ne maidaan par aisi harkat naheen ki thi. Budhvaar ki is ghatna ke baad bhale hi donon ne haath mila liye, lekin isse kai tarah ke mesej ja rahe hain. Team India mein aapas mein padi foot ya 2 gut hone ki baat par bhi yah ghatna muhar lagaane jaisi hi hai. Vaheen team India mein anushaasan ki pol bhi darshakon ke saamane khul gayi hai. Team India ke 2 guton mein bante hone ki khabar pehle bhi kai baar aati rahi hai. Matabhed ubhare kaptaani ko lekar. Pehle Dhoni aur Sehwag ke beech, baad mein gambhir ka naam kaptaan ke roop mein aane laga. Gambhir ko jab mauka mila to unhonne achha pradarshan bhi kiya. Kaha jaane laga ki test match mein Dhoni se behtar gambhir kaptaan saabit ho sakte hain, lekin gambhir kaptaan kya ab upakaptaan bhi naheen rah gaye. Unki jagah Dhoni ke samarthan se viraat upakaptaan bana diye gaye. Gambhir team tak se baahar ho gaye. Viraat ke bahaane Dhoni ka raasta bhi saaf. Matabhed ka doosra kaaran sadasyon ke aapasi rileshan ko lekar bhi hai. Bhale hi gambhir, Sehwag aur Kohli ek hi team se khelte hon, lekin gambhir aur Sehwag jyaada kareeb hain. Vaheen Kohli kaptaan Dhoni ke kareebi kahe jaate hain. Veeroo aur gambhir ki jagah Dhoni ne viraat ko upakaptaani diye jaane ka samarthan kiya tha. Gaurtalab hai ki Dhoni se na to veeroo ke achhe rileshan hain aur na hi gambhir ke. Fir jab viraat ko Dhoni se itna samarthan mil raha hai, chaahe jis vajah se, to viraat aur gambhir mein doori banani hi hai. Prafeshanal cricket bhi jimmedaar bhale hi ye khilaadi team India mein saath khelte hon, lekin IPL ne khilaadiyon ko prafeshanal bana diya hai. Alag-alag frainchaaiji inhein paisa bhi khoob day rahi hain. Itna paisa milne ke baad inke liye apni team ki jeet hi mukhya uddeshya ban jaata hai, chaahe jaise bhi. Kohli apne senior gambhir ke saath jis tarah se bhide, yah bhi prafeshanalijm ka hi nateeja hai.

Aakhir Maidaan Par Kyon Bhide Kohli Aur Gambhir https://www.angrejinews.com/pic/5347