Aakaash Vijyavargeeya Ki Giraftaari Ke Virodh Mein Samarthak Ne Kiya Jail Ke Baahar Aatmadaah Ka Prayaas

Breaking »

Aakaash Vijyavargeeya Ki Giraftaari Ke Virodh Mein Samarthak Ne Kiya Jail Ke Baahar Aatmadaah Ka Prayaas

Indore Indore nagar nigam ke ek afsar ko cricket bait se peetane ke maamale mein hui sthaaneeya BJP vidhaayak aakaash vijyavargeeya ki giraftaari ke virodh mein unke yuva samarthak ne Budhvaar raat jila jail ke baahar aatmadaah ka prayaas kiya. Sthaaneeya adaalat ne maamale mein vijyavargeeya ki jamaanat yaachika khaarij karne ke baad unhein isi jail mein 11 July tak ke liye nyaayik hiraasat ke tahat bheja hai. Chashmadeed logon ne bataaya ki aajaad nagar kshetr sthit jila jail ke gate ke paas ek yuvak ne khud par dibbe se kerosene tel udel liya. Isse pehle ki vah khud ko aag laga paata, vahaan tainaat policekarmiyon ne fauran use roka aur uske shareer par paani daalkar use kaaboo mein kiya. Yuvak ne apna naam gaurav sharma bataate hue kaha ki 'Janta ki seva karne vaale' vidhaayak ki giraftaari ke virodh mein usane yeh kadam uthaaya. Padhein: BJP neta ke 'Baitsamain' bete ki jamaanat khaarij #WATCH Madhya Pradesh: Akash Vijayvargiya, BJP MLA and son of senior BJP leader Kailash Vijayvargiya, thrashes a Mu… https: //t. Co/Zx3lkl0Ctj— ANI (@ANI) 1561535090000 Social media par saamane aaya tha vidiyo Bata dein ki aakaash (34) BJP ke raashtreeya mahaasachiv Kailash vijyavargeeya ke bete hain aur November 2018 ka vidhaanasabha chunaav jeetkar pehli baar vidhaayak bane hain. Jarjar bhavan dhahaane ki muhim ke dauraan vivaad ke baad BJP vidhaayak ne nagar nigam ke ek bhavan nireekshak ko cricket ke bait se peet diya tha. Is ghatna ke baad social media par iska ek vidiyo bhi saamane aaya tha. Aakaash ke alaava 10 anya logon par FIR Vaheen aakaash vijyavargeeya ke saath hi 10 anya logon ke khilaaf bhi IPC ki dhaara 353, 294, 323, 506, 147,148 ke tahat FIR darj ki gayi hai. Aakaash ne aarop lagaaya ki nigam ke adhikaari ne mahilaaon ko ghaseetakar gharon se baahar nikaala tha aur aisi kisi kaarravaai ke dauraan unke saath mahila police ko hona chaahiye tha. Vidhaayak ne kaha, 'Main chuna hua pratinidhi hoon, jab main vahaan pahuncha to log gusse mein the aur adhikaari ko bhaga rahe the. Main adhikaariyon ke khilaaf FIR darj karaaoonga. ' Indore: Nagar nigam adhikaari par bait se hamla karne vaale BJP vidhaayak aakaash vijyavargeeya . . . X.

Aakaash Vijyavargeeya Ki Giraftaari Ke Virodh Mein Samarthak Ne Kiya Jail Ke Baahar Aatmadaah Ka Prayaas https://www.angrejinews.com/pic/283313