Aajam Khan Bole, Madarason Mein Godse Aur Prajnyaa Thaakur Jaise Log Naheen Paida Hote

Breaking »

Aajam Khan Bole, Madarason Mein Godse Aur Prajnyaa Thaakur Jaise Log Naheen Paida Hote

Rampur Samaajavaadi party ke faayarabraind neta aajam Khan ne vivaadit bayaan dete hue kaha hai ki madarason se Nathuram Godse ya fir prajnyaa Singh thaakur jaise log naheen nikalte. Madarason ko shiksha ki mukhyadhaara se jodne ki PM Modi ki yojana ko lekar poochhe jaane par aajam Khan ne yeh bayaan diya. Vivaadit bayaanon se charcha mein rahane vaale aajam ne kaha, 'Madarason se Nathuram Godse jaise svabhaav vaale ya fir prajnyaa Singh thaakur jaise vyaktitv vaale log naheen nikalte. Sabse pehle yeh ailaan kiya jaana chaahiye ki Nathuram ke vichaaron ko jo faila rahe hain, ve lokatantr ke dushman hain. Jo aatanki gatividhiyon ke aaropi hain, unhein sammaan naheen diya jaaega. ' Maalegaanv bam dhamaake ke maamale mein aarop jhel raheen prajnyaa Singh thaakur filhaal bail par baahar hain. Is beech unhonne pichhle maheene hue aam chunaav mein madhya pradesh ki Bhopal Loksabha seat se jeet haasil ki thi. Unhonne Congress ke diggaj neta digvijya Singh ko maat di thi. Apne chunaav prachaar ke dauraan saadhvi prajnyaa ne mahaatma Gandhi ki 1948 mein hatya karne vaale Nathuram Godse ko 'Deshbhakt' karaar diya tha. Is par kaafi vivaad hua tha. Aajam Khan ne kaha ki yadi kendra sarkaar madarason ko madad karna chaahati hai to use inmein kuchh sudhaar karna hoga. UP mein SP ke jeete 5 saansadon mein se ek aajam Khan ne kaha, 'Madarason mein dhaarmik shikshan diya jaata hai. Inheen mein english, hindi aur ganit bhi padhaaya jaata hai. Yeh hamesha kiya jaata raha hai. Yadi aap madad karna chaahate hain to fir unke standard mein sudhaar karein. Madarason ke liye imaaratein banaaen, furniture muhaiya karaaen aur midde meal dein. '

Aajam Khan Bole, Madarason Mein Godse Aur Prajnyaa Thaakur Jaise Log Naheen Paida Hote https://www.angrejinews.com/pic/280696