Aaj Subah Phone Kaal Ke Jariye Sambhaavit Mantriyon Ko Di Gayi Soochana Sootr

Breaking »

Aaj Subah Phone Kaal Ke Jariye Sambhaavit Mantriyon Ko Di Gayi Soochana  Sootr

File photo File photo Nai Delhi: aaj subah tamaam bhaarateeya janta party ke netaaon ko raashtrapati bhavan dvaara phone call ke jariye kaaryakram mein aane ke liye vishesh nyota diya gaya hai. Isse yeh ummeed ki ja rahi hai ki ye vah neta hain jinhein Narendra Modi ke mantrimandal mein jagah mil rahi hai. bataaya ja raha hai ki jin logon ko subah phone kiya gaya hai, unamein party ki pravakta nirmala seetaaraman, ravishankar prasaad aur thalasena ke general VK Singh shaamil hain. isse pehle ravivaar ki shaam desh ke pradhaanamantri ke roop mein Narendra Modi ke shapath grahan ki poorvasandhya par jaari ek aadhikaarik bayaan mein is baat ki pushti ki gayi ki Modi ka mantrimandal poorvavarti Manmohan Singh ke mantrimandal ki tulana mein kaafi chhota hoga. Iske liye unhonne kai mantraalaya ke svaroop mein bade ferabadal kiye hain. Isi ke saath yeh bhi kaha ja raha hai ki kareeb 17-18 cabinet raink mantri honge. Inke alaava baaki raajyamantri ke pad honge. Kul 40 mantriyon ke shapath lene ki ummeed hai. sootron ka yeh bhi kehna hai ki 63 varsheeya Modi ke mantrimandal mein 75 varsh se oopar ke kisi mantri ke naheen hone ki baat kahi ja rahi hai. Isse party ke tamaam varishth netaaon ke mantri banane par sanshaya ho gaya hai. ab sabki nigaahein is baat ki or hai ki varishth neta 86 varsheeya Lal Krishna Advani aur 80 varsheeya Dr murali manohar Joshi ka kya hoga. Advani pehle hi Loksabha adhyaksh banane ki ichha jaahir kar chuke hain, lekin ab kaha ja raha hai ki Indore se party ki aath baar ki saansad sumitra mahaajan (71 varsheeya) ko yeh pad diya ja sakta hai.

Aaj Subah Phone Kaal Ke Jariye Sambhaavit Mantriyon Ko Di Gayi Soochana Sootr https://www.angrejinews.com/pic/51752