Aaipeeel Rohit Ne Fir Dilaai Mumbai Ko Jeet

Cricket »

Aaipeeel Rohit Ne Fir Dilaai Mumbai Ko Jeet

Mumbai. . Rohit sharma ne ballebaaj aur kaptaan ke roop mein apna shaanadaar pradarshan jaari rakhakar toofaani ardhashatak jamaaya to Harbhajan Singh ne geindabaaji mein kamaal dikhaaya jisse Mumbai Indians ne aakhir mein romaanchak mod par pahunche match mein kings eleven Punjab ko chaar run se haraakar IPL chhah mein lagaataar teesari jeet darj ki. Rohit ki aguvaai mein lagaataar teesara match khel rahi Mumbai ne pehle ballebaaji ka faisala karke dheemi shuruaat se ubarakar teen wicket par 174 run banaae. Rohit ne 39 geind par chhah chaukon aur itne hi chhakkon ki madad se naabaad 79 run banaae. Unhonne keren Pollard (21 geind par 20 run) ke saath chauthe wicket ke liye 88 run ki atoot saajhedaari ki. Salaami ballebaaj dven smith ne 32 geind par 33 aur dinesh kaartik ne 19 geind par 25 run ka yogadaan diya. Kings eleven ne niyamit antaraal mein wicket ganvaae. Kaptaan David hasi ne 18 geindon par 34 run banaae. David Miller ne 34 geind par paanch chhakkon ki madad se 56 run banaae lekin aakhir mein hasi ka aakhiri mahanga over antar paida kar gaya. Praveen Kumar (15 geind par 24 run) ne match ko romaanchak bana diya lekin kings eleven ki team aakhir mein 170 run par out ho gayi. Harbhajan ne 14 run dekar teen wicket liye jabki pragyaan ojha, Michelle Johnson aur dhaval Kulkarni ne do-do wicket liye. Rohit ne Mumbai ki paari ke aakhiri over mein hasi ki dhunaai karke teen chhakkon aur do chaukon ki madad se 27 run batore the. Yah IPL ka sabse mahanga aakhiri over bana. Yah over aakhir mein kings eleven par bhaari pad gaya. Mumbai ki yah nauvein match mein chhathi jeet hai aur uske ab 12 ank ho gaye hain jabki Punjab ko itne hi maichon mein paanchaveen haar jhelni padi. Kings eleven ki shuruaat achhi naheen rahi. Lasith maalinga aur Johnson ke saamane uske donon sthaaneeya ballebaaj manadeep Singh (09) aur manan vohara (01) naheen tik paae. Adam Gilchrist ne khud baahar baithakar shaun marsh (10) ko mauka diya lekin vah kisi bhi samay sahaj hokar naheen khel paae. Unhonne ojha ki geind par lamba shot khela lekin Pollard ne seema rekha par use catch mein badal diya. Ojha ne iske baad hasi ko bhi out kiya jinhonne Kulkarni ke ek over mein do chauke aur ek chhakka lagaakar teji laane ki koshish ki thi. Ojha ki stock geind par hasi ki timing sahi naheen thi aur unhonne laung on par aasaan catch day diya. Harbhajan Singh ne yuva gurakeerat Singh ko anubhavaheenata ka kada sabak sikhaaya. Miller ne Pollard par do chhakke lagaae lekin Azhar Mehmood (9) ne doosare chhor se Harbhajan ki geind hava mein lahara di jise kaartik ne catch kiya. Naye ballebaaj Manpreet goni aate hi pavilion laut gaye. Peeyoosh Chawla (12) ne puchhalle ballebaajon par haavi rahane vaale maalinga par laung of par chhakka jadkar geindabaaj ko hairaan kiya lekin agale over mein vah Kulkarni ka shikaar ban gaye. Miller ne Kulkarni aur Johnson par bhi chhakke lagaae lekin jab team ko 14 geind par 26 run chaahiye the tab sachin Tendulkar ne kavar mein unke aniytrint shot ko catch mein tabdeel kar diya. Praveen ne haalaanki maalinga aur Kulkarni par chhakke jadkar match romaanchak bana diya. Punjab ko aakhiri geind par paanch run chaahiye the lekin praveen ne is par Tendulkar ko catch thama diya.

Aaipeeel Rohit Ne Fir Dilaai Mumbai Ko Jeet https://www.angrejinews.com/pic/7134