Aabhooshan Kaarobaariyon Ki Sust Maang Se Sona 260 Rupaye Gira, Chaandi Bhi Padi Feeki

Business »

Aabhooshan Kaarobaariyon Ki Sust Maang Se Sona 260 Rupaye Gira, Chaandi Bhi Padi Feeki

Nayi Delhi , 15 March (bhaasha) ghareloo aabhooshan kaarobaariyon ki sust maang se shukravaar ko Delhi sarraafa baajaar mein sona 260 rupaye girkar 33,110 rupaye prati das gram rah gaya. akhil bhaarateeya sarraafa sangh ne kaha ki audyogik ikaaiyon aur sikka nirmaataaon ke kam uthaav se chaandi bhi 130 rupaye girkar 39,170 rupaye prati kilogram par aa gayi. sarraafa kaarobaariyon ne kaha ki sthaaneeya aabhooshan kaarobaariyon ki kamjor livaali se sone ki chamak feeki padi. Vaishvik star par majaboot rukh ne giraavat ko thaamane ka prayaas kiya. vaishvik star par New York mein sona badhkar 1,303.18 dollar prati auns par raha jabki chaandi 15.35 dollar prati auns par sthir rahi. Delhi sarraafa baajaar mein , 99.9 pratishat aur 99.5 pratishat shuddhata wala sona kramash : 260-260 rupaye girkar 33,110 rupaye aur 32,940 rupaye prati das gram par aa gaya. Haalaanki , aath gram waali ginni 26,400 rupaye prati ikaai ke poorvastar par rahi. chaandi haajir 130 rupaye girkar 39,170 rupaye prati kilogram aur saaptaahik dilivri 319 rupaye ludhak kar 38,342 rupaye prati kilogram par aa gayi. chaandi sikka livaal aur bikvaal kramash : 80,000 rupaye aur 81,000 rupaye prati saikada ke poorvastar par raha.

Aabhooshan Kaarobaariyon Ki Sust Maang Se Sona 260 Rupaye Gira, Chaandi Bhi Padi Feeki https://www.angrejinews.com/pic/261394