ATP Ranking Jokovik Pehle Sthaan Par Kaayam, Nadal ATP Faainals Ke Kareeb

Sports »

ATP Ranking  Jokovik Pehle Sthaan Par Kaayam, Nadal ATP Faainals Ke Kareeb

Madrid French open ke semifinal mein ostriya ke dominik theem se maat khaane vaale Serbia ke novaak jokovik ne somvaar ko jaari taaja tennis peshevar sangh (ATP ranking) apna pehla sthaan kaayam rakha hai. Vaheen, apna record 12vaan French open khitaab jeetne vaale Spain ke raafel Nadal ATP faainals ke liye kvaulifaai karne ke kareeb pahunch gaye hain. Is saal abhi tak nau toornameint mein hissa le chuke Nadal ne kul 5,505 ank haasil kiye hain aur ATP faainals ki race mein bane hue hain. Is French open khitaab ne haalaanki unhein number-1 ke kareeb pahuncha diya hai aur vah saal ka antar sheersh sthaan par karne ke prabal daavedaar hain. Nadal ne isse pehle, 2008, 2010, 2013 aur 2017 mein saal ka ant pehle sthaan par rahate hue kiya tha. Yeh Nadal ka 18vaan grand slam khitaab tha. Isi ke saath unhonne Switzerland ke Roger Federer aur apne beech grand slam khitaab ko lekar antar ko kam kar liya hai. Federer ke paas 20 grand slam khitaab hain. Nadal isi ke saath doosare sthaan par bane hue hain jabki Federer bhi teesare sthaan par kaayam hain. Final mein Nadal se maat khaane vaale thiyem chauthe aur Germany ke Alexander jverev paanchavein sthaan par hain. Sheersh-10 mein haalaanki do badlaav hue hain. Roos ke kaarene khaachaanov do sthaan ke saath nauvein sthaan par aa gaye hain jabki Italy ke faabiyo foganini 10vein sthaan par pahunch gaye hain. Argentina ke juaan Martin Dale potro teen sthaan ludhak kar 12vein par aa gaye hain jabki America ke John ishner ek sthaan ke nuksaan ke saath 11vein sthaan par aa gaye hain. Kroeshiya ke maarin silik do sthaan khisak kar 15vein sthaan par pahunch gaye hain. Unke hamavatan borna korik ek sthaan aage badhkar 14vein sthaan par aa gaye hain.

ATP Ranking Jokovik Pehle Sthaan Par Kaayam, Nadal ATP Faainals Ke Kareeb https://www.angrejinews.com/pic/280403