AFC Adhikaari Ne Kaha, Asia Mein Football Vaapasi Ke Kareeb

Sports »

AFC Adhikaari Ne Kaha, Asia Mein Football Vaapasi Ke Kareeb

Kuaalaalampur, teen June (eefapi) Asiaee football parisangh (AFC) ke ek varishth adhikaari ne Budhvaar ko kaha ki Asia ki champions league vaapasi ke kareeb pahunch rahi hai lekin jab tak ghareloo pratiyogitaaen shuroo naheen ho jaati tab tak use intajaar karna hoga. Korona virus ke kaaran do maheene se bhi adhik samay tak thapp rahane ke baad vishv bhar mein football pratiyogitaaon ki vaapasi ho rahi hai haalaanki abhi tak adhiktar league shuroo naheen hui hain. Asiaee football parisangh ke mahaasachiv vindasar John se poochha gaya ki AFC ka club tournament kab shuroo hoga to unhonne eefapi se kaha, ''Ham football ki vaapasi ke kareeb pahunch rahe hain. Hamein pehle sabhi ghareloo pratiyogitaaon ke shuroo hone ke liye intajaar karna hoga. '' AFC champions league Asia ki sheersh club pratiyogita hai. Champions league aur doosari shreni ka AFC cup donon hi March se thapp pade hain. Is beech vishv cup aur olanpik kvaaleefaayars bhi naheen ho paaye hain. Champions league mein jin 12 deshon ki teemein abhi khel rahi hain unamein se keval dakshin Korea mein hi league ki vaapasi hui hai. Chaar anya desh June ya July mein league shuroo kar rahe hain jabki Thailand ne iske liye September ki tithi tay ki hai. John ne kaha ki AFC ab bhi pratiyogita fir se shuroo karne ko lekar charcha kar raha hai. Unhonne sambhaavit tithi bataane se inkaar kar diya. In donon club tournamenton ke aayojan ke liye samay bahut kam hai. Champions league mein 32 teemein hissa leti hain jismein abhi group charan ke chaar daur ke match bache hain jabki iske baad knock-out charan shuroo hona hai. Poorv kaaryakram ke anusaar champions league aur AFC cup final donon hi November mein khele jaaenge. Eefapi pant sudheerasudheer.

AFC Adhikaari Ne Kaha, Asia Mein Football Vaapasi Ke Kareeb https://www.angrejinews.com/pic/331738