9 Logon Ko Bas Se Kuchalakar Maar Daalne Vaale Driver Ko Saja-A-maut

Breaking »

9 Logon Ko Bas Se Kuchalakar Maar Daalne Vaale Driver Ko Saja-A-maut

Pune. . Maharashtra ke Pune mein 9 logon ko berahmi se kuchalakar maar daalne vaale bas driver santosh maane ko adaalat ne faansi ki saja sunaai hai. Adaalat ne is maamale mein 3 April ko hi santosh maane ko doshi karaar diya tha aur faisala surakshit rakh liya tha. Adaalat ne maane ki us daleel ko bhi khaarij kar diya, jismein yah daava kiya gaya tha ki vaaradaat ke vakt usaki maanasik haalat theek naheen thi. Gaurtalab hai ki Maharashtra raajya parivhan nigam ka driver santosh maane pichhle saal January mein svaaraget bas dipo se khaali bas lekar bhaaga tha. Usane raaste mein kai gaadiyon aur logon ko kuchala. Police ne goliyaan chalaakar bhi use rokane ki koshish ki thi, lekin fir bhi vah naheen ruka. Maane ne kareeb 40 gaadiyon ko tak‍akar maari thi. Baad mein logon ki jaanbaaji ki badaulat maane ko shahar ke ek theatre ke paas giraftaar kar liya gaya tha. Is haadase mein kul 9 logon ki maut ho gayi thi. Maamale ki sunavaai ke dauraan maane ne khud ko maanasik taur par beemaar bataane ki bhi koshish ki, lekin vah apni chaal mein kaamayaab naheen ho paaya. Adaalat ne us Doctor ko bhi aade haathon liya jisne maane ki medical report taiyaar ki thi.

9 Logon Ko Bas Se Kuchalakar Maar Daalne Vaale Driver Ko Saja-A-maut https://www.angrejinews.com/pic/4855