'84 Ke Gunahagaar Ghoom Rahe Hain, Bhullar Ko Faansi Kyon Bhullar Ki Patni

Breaking »

'84 Ke Gunahagaar Ghoom Rahe Hain, Bhullar Ko Faansi Kyon Bhullar Ki Patni

nai Delhi. . Devindar paal Singh bhullar ki maut saja barkaraar rakhane par bhullar ke parivaar vaalon ne kaha ki yah raajaneetik faisala hai. Bhullar ki patni navaneet bhullar ne kaha ki yah judishl faisala naheen hai balki yah siyaasi faisala hai. Navaneet ne kaha ki court ne bhullar ki maanasik aur shaareerik sthiti par bilkul vichaar naheen kiya. Desh mein kaanoon ka raaj naheen hai. Yadi kaanoon ka raaj hota to koi raashtrapati daya yaachika ko 11 saalon tak dabaae naheen rakhata. Yahaan tak ki Supreme court ne bhi maut ki saja aajeevan kaaraavaas mein tabdeel karne ki yaachika par faisala dene mein ek saal ka vakt liya. Aap maut ki saja par is tareeke se vyavahaar naheen kar sakte hain. Aap har pal maut ka intajaar karein yah kitna amaanaveeya hai? Bhullar ki patni ne kaha ki 1984 mein jin kaangresiyon ne sikhon ke katleaam kiye ve sadak par bekhauf ghoom rahe hain. Us katleaam ka nyaaya hamein kab milega? Bhullar ko aparaadh karne ki liye aakhir kisne ukasaaya tha. Navaneet bhullar ne kaha ki yadi 84 mein sikhon ka katleaam naheen hota to kya mera bhullar bam ataik karta? Kya yah desh alpasankhyakon ke liye naheen hai? Ham kahaan jaae nyaaya maangane? Ab meri antim ummeed mujhe apni kaum se hai. Yah nyaaya ki ladaai bhi meri kaum ke liye hi hai. Navaneet bhullar ne kaha ki jab bhullar ko Germany se laaya gaya tha to sarkaar ne vaada kiya tha ki use faansi ki saja naheen jaaegi, lekin sarkaar ne dhokha diya. Bhullar aatankvaadi naheen tha use aantakavaadi banane par majaboor kiya gaya. Navaneet bhullar ne kaha ki bhullar ko 2 sajaaen mili hain. Usane 18 saal ki raatein jail mein kaati hain jo ki aajeevan kaaraavaas ke baaraabar hai. Aur oopar se daya yaachika 11 saalon tak peinding mein rakhakar use har din maara gaya hai. 2 saalon se bhullar ki maanasik sthiti asthir hai. Delhi sthit instityoot of hyooman biheviyr mein usaka ilaaj chal raha hai. Usaka haath kaam naheen karta hai. Bina kisi madad ke vah naha naheen paata hai. Mainne jab usase mulaakaat ki to vah kuchh bhi bolne mein samarth naheen tha. Usaka vajan kaafi kam ho chuka hai. Kareeb 48 saalon se vah heart praublam se joojh raha hai. Mere liye nyaaya ke ab saare darvaaje band ho chuke hain. Main ab apne majahab ke Supreme sanstha akaal takht jatthedaar ke paas appeal karoongi. Mere mukhyamantri prakaash Singh baadal bhi is faisale ke khilaaf hain. Mujhe is sarkaar par bharosa naheen hai. Bhullar ko Afzal ki tarah bina parivaar vaalon ko bataae faansi day di jaaegi.

'84 Ke Gunahagaar Ghoom Rahe Hain, Bhullar Ko Faansi Kyon Bhullar Ki Patni https://www.angrejinews.com/pic/5433