'84 Ke Dange Congress Ki Taraf Se Praayojit The

Breaking »

'84 Ke Dange Congress Ki Taraf Se Praayojit The

vishesh samvaadadaata nai Delhi . . Gujarat dangon ki vajah se baikafut par rahane ko majaboor BJP ne ab 84 ke sikh dangon ko lekar Congress aur Gandhi parivaar par jordaar hamla kiya hai. Party ka kehna hai ki ye dange Congress ki or se praayojit the aur yahi vajah hai ki iske doshiyon ko bachaane ke liye Congress ne hamesha CBI ka galat istemaal kiya hai. Maafi kyon naheen maangi : BJP ne kaha ki danga peedit varg se aane vaale Manmohan Singh ne bhale hi 2005 mein maafi maang li ho, lekin abhi tak na to Congress ne maafi maangi hai aur na hi Gandhi parivaar ne. BJP upaadhyaksh mukhtaar Abbas nakavi ne kaha ki Congress janasanhaaron ki histreesheetar party hai. Uske kaaryakaal mein desh ke har hisse mein jabardast dange hue. Gujarat mein Congress ke shaasan mein 183 dange hue. Nakavi ne daava kiya ki BJP ki sarkaar aane ke baad hi dangon ka silsila ruka hai. Praayojit the dange : BJP pravakta nirmala seetaaraman ne kaha ki Congress leedar jagadeesh taaitalar ke khilaaf dangon ka maamala fir se kholne ke court ke faisale ka unki party svaagat karti hai. Seetaaraman ne aarop lagaaya ki 84 mein saampradaayik danga naheen huaa tha balki yah Congress ki or se praayojit tha aur ismein chun-chunakar sikhon ko maara gaya tha. Gujarat se tulana naheen : BJP ne 1984 ke dangon ki tulana Gujarat dangon se karne se saaf inkaar kar diya. Seetaaraman ne kaha ki Gujarat mein to dange shuroo hote hi prashaasan sakriya ho gaya tha aur sena ko bula liya gaya tha. Lekin sikh virodhi dangon mein teen din tak to sena hi naheen bulaai gayi aur prashaasan bhi haath par haath dhare baitha raha. CBI par dabaav : Seetaaraman ne aarop lagaaya ki CBI par sarkaar ka dabaav tha isliye usane gavaahon ke bayaan tak darj naheen kiye aur taaitalar ko clean chit di. Unhonne kaha ki dangon ke baad bane kamishn aur kamitiyon ne jin logon ko jimmedaar thaharaaya, unke khilaaf kaarravaai naheen ki gayi. Ulata kuchh afsaron ko to ritaayarameint ke baad pad navaaje gaye.

'84 Ke Dange Congress Ki Taraf Se Praayojit The https://www.angrejinews.com/pic/5252