80 Khilaadiyon Ne 'Anasef UP Jaane Se Kiya Inkaar

Sports » Friday, April 19, 2013

Lucknow. . Uttar pradesh mein mahilaaon ke prati badhti aaparaadhik vaaradaat ka asar ab khelon par bhi padne laga hai. Rajdhani Lucknow mein shanivaar ko shuroo hone vaale antararaashtreeya tennis mahaasangh (ITF) mahila fyoochar tennis tournament mein desh-videsh ki kareeb 80 khilaadiyon ka suraksha kaaranon se naam vaapas lena iska udaaharan hai. ITF mahila fyoochar tennis tournament ke nideshak tatha uttar pradesh tennis sangh ke koshaadhyaksh J. S. Kaul ne bataaya ki pratiyogita mein shirkat ke liye poorv mein entry dene waali kareeb 80 mahila khilaadiyon ne 'Suraksha kaaranon' se apna naam vaapas le liya hai. Unhonne bataaya ki aae din akhbaaron mein balaatkaar, hatya tatha loot ki vaaradaaton ki khabarein aam hain. Sambhavat: Isi ko dekhte hue un mahila khilaadiyon ne tournament se hatne ka faisala kiya hai. Gaurtalab hai ki ITF fyoochar tennis tournament 20 se 27 April ke beech Lucknow ke jimkhaana club mein khela jaana hai. Suraksha kaaranon se ismein hissa naheen lene vaalon mein Bhaarat ke alaava Australia, Slovakia, America, Belgium, Germany, Britain, Japan, kroeshiya, Italy, cheen, Taipei, viytanaam, haungakaung, roos, Serbia, Kazhakstan, Ukraine, Portugal, France, sveedan tatha Thailand ki tennis khilaadi shaamil hain.