8 Maheene Ke Nichle Star Par Thok Mahangaai, Byaaj Daron Mein Katauti Ki Ummeed Badhi

Breaking »

8 Maheene Ke Nichle Star Par Thok Mahangaai, Byaaj Daron Mein Katauti Ki Ummeed Badhi

Nai Delhi Thok moolya soochakaank aadhaarit mudraasfeeti December mein 3.80 pratishat rahi. Yeh iska aath maheene ka nyoonatam star hai. Vishesh roop se indhan aur khaadya padaarthon ki keematein kam hone se mudraasfeeti ka dabaav badha hai. Isse bhaarateeya reserve bank (RBI) dvaara byaaj daron mein katauti ki ummeed badhi hai. Yeh lagaataar doosra maheena hai, jab mudraasfeeti mein giraavat darj ki gayi hai. Isse pehle November mein thok mudraasfeeti 4.64 pratishat aur October mein 5.54 pratishat thi. December 2017 mein mudraasfeeti 3.58 pratishat thi. Somvaar ko jaari sarkaari aankadon ke anusaar December mein khaadya padaarthon mein 0.07 pratishat mahangaai ghati hai, jabki November mein ismein avasfeeti 3.31 pratishat thi. Isi tarah sabjiyon mein bhi avasfeeti dekhi gayi. December mein yeh 17.55 pratishat rahi, haalaanki November mein yeh 26.98 pratishat thi. Indhan evam oorja kshetr mein December mein mudraasfeeti ghatkar 8.38 pratishat rahi, jo November ki 16.28 pratishat mudraasfeeti ke mukaabale lagbhag aadhi hai. Iski aham vajah December mein petrol aur diesel ki keematon mein kami aana hai. Alag-alag dekhein to December mein petrol keematon ki mudraasfeeti 1.57 pratishat aur diesel keematon ki 8.61 pratishat rahi hai. Vaheen, LPG mein yeh 6.87 pratishat rahi. Is par udyog mandal Assocham ne kaha, 'Thok mudraasfeeti mein lagaataar giraavat aur indhan ki vaishvik keematon ke kam hone se maudrik neeti samiti (emapeesi) ke paas achha mauka hai ki vah jald se jald neetigat byaaj daron ko kam kare, taaki nivesh ko badhaaya ja sake aur audyogik vruddhi mein sudhaar ho sake. ' Vinirmit vastuon mein mudraasfeeti ka star December mein 3.59 pratishat raha jo November mein 4.21 pratishat tha. Khaadya vastuon mein pichhle maheene ke mukaabale aaloo December mein saste hue. December mein aaloo keematon mein mudraasfeeti ki dar 48.68 pratishat rahi, jo November mein 86.45 pratishat thi. Pyaaj keematon mein December mein 63.83 pratishat avasfeeti darj ki gayi jo November mein 47.60 pratishat thi. Daal-dalahanon ke varg mein thok mudraasfeeti ki dar 2.11 pratishat rahi, vaheen anda, maans aur machhali varg mein yeh dar 4.55 pratishat rahi. December ki 3.80 pratishat ki mudraasfeeti dar pichhle aath maheenon mein sabse kam hai. Isse pehle April mein yeh 3.62 pratishat pahunchi thi. Upabhokta moolya soochakaank aadhaarit mudraasfeeti ke aankadon ko din mein baad mein jaari kiya ja sakta hai. Bhaarateeya reserve bank apni maudrik neeti tay karne ke liye khudara mudraasfeeti ke aankadon ka hi istemaal karta hai. Chaaloo vitt varsh ke dauraan pichhle maheene apni paanchavi maudrik neeti sameeksha mein reserve bank ne byaaj daron ko aparivrtit rakha tha. Lekin saath hi yeh bhi kaha tha ki mudraasfeeti badhne ka jokhim kam hua to vah ismein katauti bhi kar sakta hai.

8 Maheene Ke Nichle Star Par Thok Mahangaai, Byaaj Daron Mein Katauti Ki Ummeed Badhi https://www.angrejinews.com/pic/247754