8.2 Pratishat Bhaarateeya Ameriki Rahate Hain Gareebi Rekha Ke Neeche
Breaking » Thursday, February 21, 2013
Washington: Sabhi pramukh jaateeya samoohon mein sarvochch prati vyakti aay ka gumaan karne vaale America mein Budhvaar ko jaari hue taaja janaganana report ke anusaar, aath pratishat se jyaada bhaarateeya ameriki yaani kareeb tees lakh bhaarateeya ameriki America mein gareebi rekha se neeche gujar basar karte hain. Varsh 2007-2011 ke ameriki saamudaayik sarvekshan (American kamyuniti sarve) ke anasaar, America mein 4.27 karod logon ki aay gareebi rekha se neeche thi, jabki raashtreeya gareebi dar 14.7 pratishat hai. Janaganana bureau (seinsas bureau) report ke mutaabik, gareebi dar mein 8.2 pratishat ke saath bhaarateeya ameriki anya jaateeya samoohon ki tulana mein kam gareeb hain. Japani amerikiyon ki bhi gareebi dar 8.2 pratishat hi hai. Asiaee janasankhya mein gareebi dar viytanaamiyon (14.7 pratishat) aur Koreai logon (15.0 pratishat) mein jyaada hai, jabki fileepeenavaasiyon ki gareebi dar sabse kam yaani 5.8 pratishat hai. Saankhyikeeya roop mein bhi viytanaamiyon aur Koreai logon mein gareebi dar ek-doosare se bhinn naheen hai. Is report ke mutaabik, America ke Asiaee bahul logon vaale nau praanton mein gareebi dar das pratishat se kam hai aur ye praant hain - Connecticut, delaaveyar, havaai, maireelaind, nevaada, new hamfreej, new jersey, varjiniya aur south kairoleena. Laitin ameriki mool ke logon mein raashtreeya gareebi dar kyooba vaasiyon mein 16.2 pratishat aur dominik vaasiyon mein sarvochch 26.3 pratishat hai. Gore aur Asiaee logon mein bhi gareebi dar saankhyikeeya roop mein ek-doosare se bhinn naheen hai. Ameriki sarkaar ki gareebi ki paribhaasha kul praapt aay par aadhaarit hai. Udaaharan ke taur par varsh 2012 mein gareebi star chaar logon ke parivaar ke liye vaarshik aay 23,050 (kareeb 12 lakh rupaye) nirdhaarit kiya gaya tha.