76 Ki Umr Mein Dil Faulaadi, 16 Saal Ke Lutere Ko Patakani Dekar Kiya Chit

Breaking »

76 Ki Umr Mein Dil Faulaadi, 16 Saal Ke Lutere Ko Patakani Dekar Kiya Chit

Pramukh samvaadadaata, Delhi Umr 76 saal ki, magar faulaadi iraade se gala ghontoo gang se bhidkar 16 saal ke lutere ko patakani dekar chit kar diya. Bujurg aadhi raat ko bas ke intajaar kar rahe the tabhi gala ghontoo gang ke chaar luteron ne hamla bol diya. Ek ne achaanak peechhe se gale mein baanh ka funda lagaaya. Baaki ne kandhe par lataka bag va jebon ki talaashi le daali. Lutere apne mission mein kaamayaab hokar vahaan se bhaage. Magar jaise hi gale se pakad dheeli hui. Bujurg ne use lutere ko pakad liya. Bujurg ko bhidta dekh vahaan se gujar rahe raahageer bhi madad ko aae aur lutere ko kaaboo kar liya. Jamkar pitaai ki. Soochana milte hi naangaloi thaane ki police pahunch gayi. Aaropi ko havaale kiya. Lekin poochh-taachh mein vah naabaalig nikla. Uske baaki saathiyon ki talaash mein chhaapemaari ki ja rahi hai. Police ke mutaabik, jis bujurg ne damakham dikhaaya unka naam shyaam Singh hai. Parivaar samet sultaanapuri mein rahate hain. Ravivaar ko chaandani chauk mein aayojit jaagaran mein shaamil hone ke liye sultaanapuri mod, naangaloi mein bas ka intajaar kar rahe the. Tabhi peechhe se chaar ladke unke paas aae. Unhonne samjha ki ye ladke bhi bas ke intajaar mein aae honge. Pakade gaye ladke ki umr 16 saal nikli. Police ne usase poochh-taachh kar uske sahayogiyon ke baare mein jaankaari li hai aur ab unki giraftaari ke liye dabish de rahi hai. Pakade gaye naabaalig ko police ne baal sudhaar gruh bhej diya hai. Bujurg ne police ko bataaya ki uske bag mein 800 rupaye aur jaroori kaagajaat the. Bujurg ke bayaan par police ne lootpaat ka maamala darj kar jaanch mein jut gayi hai.

76 Ki Umr Mein Dil Faulaadi, 16 Saal Ke Lutere Ko Patakani Dekar Kiya Chit https://www.angrejinews.com/pic/268139