7 Naheen, 300 Mareejon Ki Hatyaarin Doctor

World » Thursday, March 28, 2013

Paraana (Brazil). . Brazil ki helth ministri ke ek jaanchakarta ka kehna hai ki ek braajeeliyn Doctor jise 7 mareejon ki hatya mein pakada gaya tha, daraasal vah 300 mareejon ki mauton ke liye jimmedaar hai. Is Doctor ne ICU mein bed khaali karaane ke liye saaton hatyaaen ki theen. Sarkaari paksh ka kehna hai ki ivaingilikl aspataal mein Dr. Varjeeniya sores disooja aur usaki medical team ne pehle to unke masals ko shithil karne waali davaaen Dean aur fir unki oksijn saplaai kam kar di. Saare mareejon ki maut esapiksiya naamak beemaari se hui. Yah aspataal dakshini shahar kyooritiba mein hai. Yah Brazil ka metropolitan city hai. Giraftaar Doctor disooja ki umr 56 saal hai aur vah vido hai. Use pichhle maheene pakada gaya tha aur us par saat mareejon ki hatya ka aarop hai. Is Doctor ke maatahat kaam karne vaale teen anya Doctor, teen narsein aur ek physiotherapist par bhi hatya ka aarop hai. Paraana state ke abhiyogakartaaon ka kehna hai ki Dr. Disooja ke phone ke vaayaratep se pata chala hai ki usane yah harkat aspataal ke bed khaali karaane ke liye ki, jisse anya mareejon ko bed mil sake. Braajeeliyn media ko jaari usaki rikaurding mein sunaai day raha hai ki main ICU ko khaali karaana chaahati thi. Mujhe vahaan bheed dekhkar thoda khal raha tha. Dr. Disooja ke vakeel iliyaas mattaar asad ne kaha ki jaanchakartaaon ne jis dhang se koi ICU kaam karta hai, use galat samjha. Vah khud ko nirdosh saabit karegi. Dr. Disooja ne jis aspataal mein inchaarj thi, jaanchakartaaon ne pichhle saat saal mein unke kaaryakaal ke dauraan 1700 medical rekaurds niklavaae hain. In sabhi mareejon ki maut saat saalon mein hui thi. Brazil helth ministri dvaara tainaat mukhya jaanch adhikaari Dr. Maariyo lobaito ne kaha ki abhi tak humne 20 se jyaada keson mein saboot juta liye hain aur 300 keson ki jaanch jaari hai. Agar abhiyojan paksh yah saabit kar le jaata hai ki Dr. Disooja ne 300 mareejon ki hatyaaen ki hain to yah vishv ka sabse bada seeriyl kilr case hoga. Abhi tak isse pehle sabse kukhyaat english Doctor herauld shipmain ko maana jaata hai jisne 215 mareejon ki hatyaaen ki theen.