7 Bachchon Ke Kaaran Fans Gaye Chaaineej Director

World »

7 Bachchon Ke Kaaran Fans Gaye Chaaineej Director

peiching. . Cheen ke ek naami filmamekar sirf is kaaran mushkil mein fans gaye hain ki vah saat bachchon ke baap hain. Haalaanki khabaron ke mutaabik unke kai mahilaaon se rishte rahe hain, magar un rishton ke chalte koi dikkat naheen hui hai. Vah pareshaani mein fanse hain apne bachchon ki vajah se. Asal mein itne jyaada bachche cheen ke faimili planning kaanoon ke khilaaf hai aur yahi vajah hai ki jhaang yimou ke khilaaf jaanch baitha di gayi hai. Un par 2.6 karod dollar ka jurmaana lagaaya ja sakta hai. Vaise jhaang koi maamooli hasti naheen hain. Unki banaai 'Rej the red laintarn' aur 'Red sauragam' kaafi naam kama chuki hain. Unhonne cheen ki sabse kaamayaab modern maarshal Arts filmon - hero, house of flaaing daigars ko daayarekt kiya hai. 2011 mein unki film the flaavars of vaur mein kristiyen bail ne bhi aikting ki thi. Filhaal vuji shahar mein faimili planning ke adhikaari unase poochhataachh kar rahe hain. Communist party ke akhbaar peepals daily ke mutaabik, jurmaane ki rakam aaropi ki inakam aur uske bachchon ki sankhya ke hisaab se tay ki jaati hai. Vaise jhaang ki kai shuruaati filmon par cheen mein ban laga diya gaya tha. Par tabhi se unki sarkaar se kareebi badh gayi aur unhein 2008 ke peiching olinpiks ki opening serimni ko daayarekt karne ka mauka mil gaya. Sarkaari global times nyoojapepar ke mutaabik, jhaang ke kai mahilaaon se rishte the. Par yah saaf naheen ho saka hai ki ye bachche kahaan janme hain. Gaurtalab hai ki cheen pichhle 30 baras se ek santaan ki neeti ka kadaai se paalan karavaata raha hai. Haalaanki haal ke samay mein is neeti mein kuchh dheel dene ki maang bhi uthi hai.

7 Bachchon Ke Kaaran Fans Gaye Chaaineej Director https://www.angrejinews.com/pic/8208