6 Maheene Ke Uchch Star Par Audyogik Utpaadan, Khudara Mahangaai 7 Maah Ke Top Par

Breaking »

6 Maheene Ke Uchch Star Par Audyogik Utpaadan, Khudara Mahangaai 7 Maah Ke Top Par

Nai Delhi Khanan kshetr aur bijli utpaadan mein sudhaar ki vajah se April mein audyogik vikaas dar 3.4 feesadi rahi, jo chhah maheene ka uchch star hai. Vaheen, May mein khudara mahangaai dar 3.05% rahi, jo saat maheene ka uchch star hai. Aadhikaarik aankadon se Budhvaar ko yeh jaankaari saamane I. April 2018 mein audyogik utpaadan soochakaank (IIP) 4.5 feesadi raha tha. Khanan kshetr ke utpaadan mein 5.1 feesadi ki vruddhi darj ki gayi, jo pichhle saal ki samaan avadhi mein 3.8 feesadi rahi thi. Isi tarah, aalochya avadhi mein bijli utpaadan mein chhah feesadi ki vruddhi darj ki gayi, jo pichhle saal ki samaan avadhi mein 2.1 feesadi thi. Mainyufaikcharing kshetr mein haalaanki susti rahi. Isse pehle, October 2018 mein audyogik utpaadan uchch star par tha aur us vakt aankada 8.4 feesadi tha. Khudara mahangaai 7 maheene ke top par Khaane-peene ki vastuon ki keematon mein vruddhi se khudara mudrasfeeti May maheene mein badhkar 3.05% par rahi. Yeh saat maheene ka uchchatam star hai. Keindreeya saankhyiki kaaryaalaya (CSO) ki or se jaari sanshodhit aankadon ke anusaar, upabhokta moolya soochakaank (CPI) aadhaarit khudara mudraasfeeti April mein 2.99% rahi. Pehle praarambhik aankadon mein iske 2.92% par rahane ka anumaan lagaaya gaya tha. May 2018 mein khudara mudraasfeeti 4.87% par thi. May mein mudraasfeeti ka aankada October 2018 ke baad sabse ooncha hai. Gat October mein khudara mudraasfeeti 3.38% thi. Taaja aankadon ke mutaabik , khaadya mudraasfeeti May mein 1.83% rahi. Yeh April ke 1.1% ki tulana mein adhik hai. Bhaarateeya reserve bank maudrik neeti ki sameeksha ke liye mukhyat : Khudara mudraasfeeti ke aankadon par gaur karta hai.

6 Maheene Ke Uchch Star Par Audyogik Utpaadan, Khudara Mahangaai 7 Maah Ke Top Par https://www.angrejinews.com/pic/280754