500 Rupae Mein Skech Banaakar Gujaara Karta Tha Ali Jfar

Movies » Friday, May 2, 2014

Rekha Khan Ali jafar ne aikting aur singing mein apni khaas pehchaan bana li hai. Haal hi mein Ali se baat karne ka mauka mila, to unhonne kuchh aisa zikr chheda, jisse bahut kam log hi vaakif hain. Share karte hain aapse. . . Ek samay ve ladkiyon ke skech banaaya karte the, taaki usase 500 rupae kama sakein. Lekin unke khvaab hamesha oonche the. Ham baat kar rahe hain, 'Tere bin Laden', 'Mere brother ki dulhan' 'Chashme baddoor' aur 'Total siyaapa' fame Pakistani aiktar-singar Ali jafar ki, jo aaj apni pehchaan bana chuke hain. Chhoti umr mein shuroo kiya kaam bahut chhoti-si umr se mainne kaam karna shuroo kar diya tha. Main padhne-likhne mein bahut hi hoshiyaar tha aur kriyetiv bhi tha. Mahaj 8 saal ki umr mein main apni ek kaartoon book bana chuka tha. Meri pehli kamaai thi 500 rupae, jo mujhe skech banaakar mile the. Usi din mainne 3 skech banaae the aur is tarah ek hi din mein 1500 rupae kama liye the. Us poore maheene mainne tees hajaar ki aamdani kar li thi. Us jamaane mein main Lahore ke parl kauntineintal hotel mein skech aartist ka kaam kiya karta tha. Skech banavaane bhi ladakiyaan aaya karti theen. Aap to jaante hain ki Pakistani ladakiyaan kitni bala ki khoobsoorat hoti hain. Us vakt main 17-18 saal ka raha hooonga. Cricketer banane ka sapana tha main Lahore mein pala-bada. Mere maata-pita prafesars the. Main jab chhota tha, to cricketer banana chaahata tha. Mere bachapan ki sabse khaas memari thi, hamaare ghar ke saamane ke maidaan mein cricket ke dauraan chauke-chhakke lagaana. Ham log midl class ghar se the. Mere pairants ne bahut mushkil se udhaar-karj lekar vah ghar banaaya tha, lekin fir haalaat aise hue ki ham vah ghar afaurd naheen kar paae aur hamein vah ghar bechana pada. Cricket se mera naata toot gaya. Tab 13-14 saal ka raha hooonga main, magar us ghar se jaate hue mainne khud se ek vaada kiya ki kisi din isi ghar mein lautoonga. Bahut jyaada naheen chaaha sach kahoon, to mujhe apni jindagi mein jyaada cheejein kabhi naheen chaahiye theen. Jab ham chhote the, tab maheene mein ek din hota tha, jab ham aais kreem kha sakte the ya kok pi sakte the, par hamein kabhi mahasoos naheen hua ki ham gareeb hain. Ek baar mera janmadin tha aur mere ammi-abboo ne poochha ki mujhe ek hajaar aur chaar sau rupae vaale mein se kaun-sa vaala vidiyo game chaahiye, to mainne chaar sau rupae vaala hi liya tha. Main apne pairants par bojh naheen daalna chaahata tha. Mainne apni kamaai se pehli cheej khareedi thi ki-board. Uske baad mainne paise jama karke aips aur speekars khareede the aur fir teesari cheej mainne khareedi thi maaikrofon. Haan, jab apne paison se gaadi khareedi thi, tab bhi bahat khush hua tha. Hamaara bahut bada khaanadaan tha aur hamaare paas gaadi naheen thi. Mujhe bhi kaam ke silsile mein bahut door-daraaj jaana padata tha, magar mehnat se main kabhi peechhe naheen raha. Mainne apne vaalid saahab se seekha tha ki bhale college mein main shaanadaar gaadi mein entry na maar sakoon, par padhaai mein top to main hi karoonga. Main college mein raisi ke liye naheen, balki kriyetiviti aur stadi ke liye jaana jaata tha. Tab laga ki singar banoon naujavaani tak aate-aate main singar banane ka tay kar chuka tha. Mere liye singar banane ki ladaai bahut kadi thi. Main apna pehla gaana studio mein record karke, areinj karva kar use release karna chaahata tha. Poore teen saal tak dhakke khaane ke baad mujhe ek prograamar mila. Usase gaana areinj karavaaya, lekin banane ke baad vah mujhe utana achha naheen laga. Fir mainne doosare logon ko dhoondha aur faainali ek varjn taiyaar kar liya. Vahaan ke ek bahut bade director the. Unke peechhe main 7-8 maheene laga raha. Aakhirkaar vah vidiyo shoot karne ko taiyaar ho gaye. Gaana shoot ho gaya, lekin ab editing ka panga tha. Gaana edit naheen ho pa raha tha. Main bahut pareshaan tha. Usi dauraan jab mujhe pata chala ki mainne apna gaana jise diya tha, usane vah kisi aur ko bech diya tha aur us bande ne us gaane ko market mein apne naam se release bhi kar diya. Us din to jaise sadme ke maare mere jism ko lakava maar gaya tha. Mujhe laga ki ab agar main us gaane ko release karunga, to log mujhe chor samjheinge, lekin fir mujhe laga ki meri mehnat jaaya naheen ho sakti. Main poori himmat se us ailbam ko release karke market mein laaya. Eid ka mauka tha aur chaand raat ko mera gaana har jagah baj raha tha. Main star ban gaya tha. Chaand raat ko usaki do lakh kaupeej bik gayi theen. Khair vah to jaadoobhara pal tha, lekin jab poore aath saal ke gaip ke baad paise kamaakar mainne apna puraana ghar vaapas khareed liya tha, ham kamre mein baithe the aur us vakt ammi-abboo ki aankhon mein jo chamakeeli muskaan thi, use dekhkar mujhe laga ki mainne duniya ka sabse bada kaam kar liya hai.