50% VVPAT Ke Milan Ki Maang Waali Vipaksh Ki Yaachika Par SC Ne EC Aur Kendra Se Maanga Javaab

India »

50% VVPAT Ke Milan Ki Maang Waali Vipaksh Ki Yaachika Par SC Ne EC Aur Kendra Se Maanga Javaab

Nai Delhi Andhra pradesh ke mukhyamantri N. Chandrabaaboo Naidu ki aguaai mein 21 vipakshi dalon ki or se EVM ko lekar daakhil yaachika par Supreme court ne shukravaar ko chunaav aayog aur kendra sarkaar ko notice jaari kiya. Court ne donon se 25 March tak apna javaab dene ko kaha hai. Yaachika mein Supreme court se maang ki gayi hai ki vah chunaav aayog ko nirdesh de ki kaauting ke dauraan kam se kam 50 pratishat VVPAT (votar verifiyebal pepar audit trial) parchiyon ka Milan kiya jaae. CJI ranjan gogoi ki aguaai waali bench ne chunaav aayog se yeh bhi kaha hai ki vah is maamale mein court ke sahayog ke liye kisi varishth adhikaari ko tainaat kare. Maamale ki agali sunavaai 25 March ko hogi. Bata dein ki vipakshi dal aksar iveeem par savaal uthaate rahe hain. Unki maang hai ki chunaav nateejon ko ghoshit karne se pehle VVPAT parchiyon ka iveeem mein darj voton se Milan kiya jaae. Iske liye chandrabaaboo Naidu, Akhilesh Yadav, ke. Si. Venugopaal, sharad Pawar, Arvind Kejriwal, sateesh chandra mishr samet vipaksh ke 21 netaaon ne Supreme court ka rukh kiya. Vipakshi netaaon ne chunaav aayog ke us dishaanirdesh ko chunauti di hai jismein prati vidhaanasabha kshetr ki kisi ek poling station ke VVPAT kaaunt ko anivaarya kiya hai. Yaachika mein kaha gaya hai ki chunaav aayog is tarah kul iveeem ke 0.44 pratishat se bhi kam ke VVPAT ka Milan hoga. Yaachika mein 2017 mein BJP neta subramanyan svaami ki yaachika par Supreme court ke ek faisale ka bhi jikr kiya gaya hai, jismein court ne chunaav aayog ko sabhi EVM mein VVPAT lagaane ka nirdesh diya tha.

50% VVPAT Ke Milan Ki Maang Waali Vipaksh Ki Yaachika Par SC Ne EC Aur Kendra Se Maanga Javaab https://www.angrejinews.com/pic/261354