5 Rupaye Kharch Keejiye, Milega Gutakha

Breaking »

5 Rupaye Kharch Keejiye, Milega Gutakha

vishesh samvaadadaata. Lucknow : Akhilesh sarkaar ki or se gutakhe par pratibandh ka shaasanaadesh laagoo hone ke baad jila prashaasan ne gutakha banaane waali faiktriyon mein chhaapemaari ki, lekin vahaan kuchh naheen mila. Team ko masheenein poori tarah se band mileen. Aisa lagta hai ki factory maalikon ko chhaape ki soochana pehle hi mil gayi, jisse saara maal mauke se hata diya gaya. Idhar, shahar mein gutakhe ki bikri chori-chhipe ho rahi hai. Gutakhe ka daam 5 guna badha kar liya ja raha hai. 1 rupaye ka gutakha 5 rupaye mein diya ja raha hai. Gaurtalab hai ki 1 April se UP mein gutakhe par pratibandh lag gaya hai, lekin chori-chhipe gutakha banaane waali faiktriyaan manufacturing kar rahi hai. Adhikaari bhi isse inkaar naheen kar rahe hain. Baajaaron aur paan ki dukaanon par gutakha dhadlle se bik raha hai, lekin gutakha khaane logon se ban ki keemat ke roop mein 5 guna daam vasoole ja rahe hain. Thok vyaapaari bhi futakar dukaanadaaron ko dugane rate par masaala muhaiya kara rahe hain. Shahar ke vyast chauraahon, gali-mohalle ki dukaanon, railway aur bas stationon par dukaanadaar chori-chhipe gutakha bechate dekhe ja sakte hain. Mangalvaar ko gutakhe ka jo paauch dhaai rupaye ka bik raha tha, vah guruvaar ko 4 se 5 rupaye mein diya ja raha hai. Gutakhe se baajaar se market pata pada hai, lekin sab chori-chhipe becha ja raha hai. Thok vikreta bhi unheen chhote dukaanadaaron ko maal day rahe hain, jo unke niyamit kastamar hai. Ek thok vikreta ne bataaya ki abhi baajaar mein itna maal bhara hai ki agale 6 maheene tak gutakha aasaani bikega. Apna vyaapaar band hote dekh vyaapaari ab sigret aur saade paan masaale par bhi pratibandh lagaane ki maang kar rahe hain. Unka aarop hai ki gutakha band karavaakar saade paan masaale aur tanbaakoo ke paauch ko khuleaam becha ja raha hai.

5 Rupaye Kharch Keejiye, Milega Gutakha https://www.angrejinews.com/pic/4500