5 Hajaar Se Kam Aay Vaalon Ko Muft Saaikal

India »

5 Hajaar Se Kam Aay Vaalon Ko Muft Saaikal

Ambala. . Haryana sarkaar shram kalyaan board ke maadhyam se un shramikon ko muft saaikal upalabdh karva rahi hai, jinki maasik aay 5 hajaar rupae se kam hai. Saaikal ki keemat 2500 rupae hai. Vartamaan sarkaar ke kaaryakaal mein ab tak 30406 shramikon ko muft saaikalein upalabdh karavaai ja chuki hai. Mahila kaamagaaron ko puraskaar commissioner shekhar vidyaarthi ne bataaya ki shram kalyaan board ne majadooron ke hit mein kai kalyaanakaari yojanaaon ki shuruaat ki hai. Kaamagaaron ke sammaan ke liye mukhyamantri shram puraskaar yojana shuroo ki gayi hai, jiske tahat uttam kaamagaar ko raajya star par ek lakh rupae ka ek puraskaar aur 50-50 hajaar rupae ke 2 puraskaar diye jaate hain. Jila star par 20 hajaar rupae ke 21 puraskaaron ka bhi praavadhaan hai. Mahila kaamagaaron ke liye jila star par 20 hajaar rupae ka Haryana shram veeraangana puraskaar dene ka bhi nirnaya liya gaya hai. Majadooron ki ladkiyon ki shaadi ke avsar par kanyaadaan yojana ke tahat 21 hajaar rupae ki vitteeya sahaayata di jaati hai. Is kaaryakram ke tahat September 2012 tak 5622 logon ko faayda ho chuka hai.

5 Hajaar Se Kam Aay Vaalon Ko Muft Saaikal https://www.angrejinews.com/pic/3711