40 Ke Marne Ki Aashanka, 33 Shav Baraamad

India »

40 Ke Marne Ki Aashanka, 33 Shav Baraamad

-bas mein 50 se lekar 60 log savaar the, -kulloo bas adde se 18-20 kilometer chalne ke baad bas haadase ka shikaar hui pramukh samvaadadaata . Chandigarh Himachal pradesh ke kulloo ke kareeb jhidi ilaake mein Budhvaar ko ek private bas vyaas nadi mein gir gayi. Is haadase mein 40 logon ke maare jaane ki aashanka hai. Samaachaar likhe jaane tak 33 ke shav baraamad kar liye gaye the. Marne vaalon mein mahilaaon aur bachchon ki sankhya kaafi hai. Ashoka traivals ki bas (echapi 66-1538) kulloo se aani ja rahi thi. Bas mein 50 se lekar 60 log savaar the aur yah kulloo bas adde se dopahar sava do baje ke kareeb ravaana hui thi. Kareeb 18-20 kilometer chalne ke baad bas nadi mein ja giri. Jis jagah par yah bas giri hai vahaan nadi mein paani kaafi gahra tha. Bas nadi mein girte hi palat gayi thi. Is kaaran logon ko isse nikalne mein kaafi dikkat I. Haalaanki durghatana ke kaaranon ka filhaal pata naheen chal paaya hai. Anumaan hai ki yah haadasa tej raftaar ke kaaran huaa. Yah baat bhi saamane I hai ki durghatana ke samay bas ko iske mool driver ki jagah koi aur chala raha tha. Pratyakshadarshiyon ke mutaabik keval paanch-chhah log hi kisi tarah se bas se baahar nikalne mein kaamayaab rahe. Jyaadaatar ki maut paani ke bheetar dam ghutne se hui. Kuchh shav paani ke bahaav mein bah gaye. Jila prashaasan bahe shavon ki talaash mein jut gaya hai aur nadi mein pandoh baandh tak alert ghoshit kar diya gaya hai. Jis sthaan par bas giri hai vahaan sadak kaafi chaudi hai. Yah bhi kaha ja raha hai ki bas ko chala raha vyakti shaayad nashe mein tha aur durghatana ke samay vah mobile par baat bhi kar raha tha. Saamane se aa rahi ek gaadi ko dekhkar vah achaanak bas par se niyantran kho baitha aur bas kareeb 100 fut neeche ja giri. Durghatana ke samay bas ke driver ne pehle hi chhalaang maar di. Driver faraar bataaya ja raha hai. Police ne maamala darj kar liya hai. Haadase mein ghaayalon ka ilaaj kulloo ke aspataal mein chal raha hai. Raajyapaal urmila Singh aur mukhyamantri veerabhadr Singh ne is durghatana par dukh prakat kiya hai.

40 Ke Marne Ki Aashanka, 33 Shav Baraamad https://www.angrejinews.com/pic/8125