40 Ghante Tak Lift Mein Fansa Raha Police Vaala

India »

40 Ghante Tak Lift Mein Fansa Raha Police Vaala

PTI. Mumbai: Dakshini Mumbai mein ek police inspector kareeb 40 ghante tak apne office ki lift mein fansa raha. Inspector shanivaar se hi laapata tha. Lift se nikaale jaane ke baad use behoshi ki haalat mein kareeb ke ek hauspitl mein bharti karaaya gaya. Inspector suresh sonaavaane (46) Mumbai police ke laapata logon ko talaashane vaale bureau mein kaaryarat hain. Tekneeshiynon ne somvaar ko jab marammat ke liye lift kholi, tab unhein suresh behad kamjor haalat mein mile. Yah lift kreford market kshetr sthit unke office ki imaarat mein lagi hai. Vah shanivaar dopahar kareeb 2 baje gaayab ho gaye the. Unke parijanon ne unase sampark karne ki koshish ki, lekin naakaam rahe. Uske baad usi shaam unki gumshudgi ki report darj karavaai gayi. Sonaavaane ke paas mobile phone bhi naheen tha kyonki doctoron ne unke mastishk ke operation ke baad unhein mobile naheen rakhane ki salaah di thi. Police ke mutaabik, is baat ki jaanch ki ja rahi hai ki tekneeshiynaane ko yah kyon naheen pata chal paaya ki lift mein koi fansa huaa hai. Yadi jaroorat padi to is baare mein maamala bhi darj kiya jaayega.

40 Ghante Tak Lift Mein Fansa Raha Police Vaala https://www.angrejinews.com/pic/5815