4 Karod Dollar Mein Bika Prinsi Daayamand

Business »

4 Karod Dollar Mein Bika Prinsi Daayamand

new yaurk. . Ek asaadhaaran 34-kairet ke 'Prinsi' daayamand ki neelaami record 3.9 karod dollar mein hui hai. Is heere ki khareedaari ek anaam shakhs ne phone par boli lagaakar ki. Yah daayamand golakunda ki maains se nikaala gaya tha. Is heere ke maalik rah chuke Hyderabad ke nijaam kabhi duniya ke sabse ameer shakhs the. Kristeej ke New York auction house mein mangalvaar ko iski neelaami hui. Isne is auction house mein naya record banaaya hai. Yah beshakeemati heera 39,323,750 dollar mein bika. Is heere par 1,135,000 prati kairet ka premium mila hai. Kristeej ke America end Switzerland ke head of jvailari Rahul kadakiya ke mutaabik, 'Auction house ke eksatres Elizabeth Taylor ke lejeindari kalekshan ko chhod diya jaae, to yah America mein huaa ab tak ka sabse safal jvailari auction raha hai. Kristeej ko is par fakr hai. ' pehle kristeej ne isse mahangi jvailari naheen bechi thi. Isse pichhle auction mein December 2008 mein vitelabaash daayamand ki bikri 2.43 karod dollar mein hui thi. Prinsi daayamand asaadhaaran taur par 34.65 kairet pink kalar ka kushan-kat vaala daayamand hai. Prinsi ka saaij bada hai, iski shep behatareen hai aur iska kalar reyar hai. Yah aitihaasik taur par royal parivaar se bhi juda raha hai, aise mein iski ahamiyt aur bhi badh jaati hai. Eksaparts ka kehna hai ki kabhi is heere ka maalik Hyderabad ka royal parivaar tha. Kristeej ne apne stetameint mein kaha hai ki Hyderabad mugalakaal mein sabse ameer riyaasaton mein gina jaata tha. Is heere ki sabse pehle neelaami 1960 mein 'Prauparti of jeintalamain' ke taur par hui thi. Baad mein pata chala ki vah khud Hyderabad ke nijaam sar meer usmaan Ali Khan the. Neelaami mein is heere ko vain kleef end aarpels ki London branch ne mahaj 46,000 pound mein khareeda tha. Nijaam ko 1937 mein time maigajeen ne duniya ka sabse ameer vyakti bataaya tha. Company ke peris store mein hui ek party mein is heere ko prinsi naam diya gaya. Ise Baroda ke 14 saal ke prince ke sammaan mein yah naam diya gaya tha. Baroda ke prince ne yah party apni maan mahaaraani seeta devi ke saath ateind ki thi. Pichhle 50 saal mein yah pehla mauka hai, jab yah khaas heera neelaami ke liye aaya tha. Isse duniya ke ameeron ke saamane is durlabh heere ko khareedne ka sunahara mauka mila. Din bhar chalne waali is neelaami mein kareeb 300 jvails the. Inmein top kvauliti ke kalard aur kalarales daayamand, reyar jemastons, nechural parls bhi shaamil the.

4 Karod Dollar Mein Bika Prinsi Daayamand https://www.angrejinews.com/pic/5897