4.7 Feesadi Rahi Aarthik Vikaas Dar

Business »

4.7 Feesadi Rahi Aarthik Vikaas Dar

nai Delhi desh ki aarthik vikaas dar 2013-14 mein 4.7 feesadi rahi, jo iske pichhle saal 4.5 parseint thi. Pichhle 25 saal mein pehli baar growth ki dar lagaataar 2 saal 5 parseint se kam rahi hai. Vitteeya ghaata anumaan se kam 4.5 parseint raha. Varsh 2013-14 mein GDP 4.7 parseint rahi. Vinirmaan aur khanan utpaadan mein giraavat iski mukhya vajah rahi. Chauthi timaahi mein aarthik vruddhi dar 4.6 parseint darj ki gayi. Keindreeya saankhyiki sangathan (CSO) dvaara shukravaar ko jaari aadhikaarik aankadon ke mutaabik, varsh 2013-14 mein aarthik vruddhi dar 4.7 parseint rahi. Gaurtalab hai ki pehle 4.9 parseint growth rate ka anumaan jataaya gaya tha. Isse pichhle varsh 2012-13 mein vruddhi dar 4.5 parseint rahi thi jo ki pichhle ek dashak ki sabse kam vruddhi rahi. Isi varsh chauthi timaahi mein sakal ghareloo utpaad mein 4.4 parseint vruddhi darj ki gayi thi. Varsh 2013-14 ki chauthi timaahi mein vinirmaan kshetr mein 1.4 parseint ki giraavat rahi, jabki ek saal pehle isi avadhi mein is kshetr mein 3 parseint vruddhi darj ki gayi thi. Poore saal mein vinirmaan kshetr mein 0.7 parseint giraavat rahi, jabki 2012-13 mein ismein 1.1 parseint vruddhi hui thi. Khanan kshetr mein January-March 2014 timaahi mein 0.4 parseint giraavat rahi. Haalaanki, isse pichhle varsh isi timaahi mein is kshetr mein 4.8 parseint ki giraavat darj ki gayi thi. Varsh 2013-14 mein kshetr ke utpaadan mein isse pichhle varsh ke 2.2 parseint ke mukaabale 1.4 parseint ki giraavat rahi. January-March 2014 timaahi mein krushi kshetr mein 6.3 parseint vruddhi rahi, haalaanki, isse pichhle varsh isi timaahi mein kshetr mein 1.6 parseint vruddhi hui thi. Vitt varsh 2013-14 mein krushi kshetr mein 4.7 parseint vruddhi rahi jabki isse pichhle varsh is kshetr mein 1.4 parseint ki hi vruddhi hui thi. Varsh 2004-05 ke moolya par prati vyakti raashtreeya aay 2013-14 mein badhkar 39,904 rupaye ho gayi. Isse pichhle varsh yeh 38,856 rapaye rahi thi. 2013-14 mein prati vyakti aay ki vruddhi isse pichhle varsh ke 2.1 parseint ke mukaabale 2.7 parseint rahi. Vartamaan moolya par prati vyakti aay 2013-14 mein 9.6 parseint badhkar 74,380 rapaye ho gayi. 2012-13 mein yeh 67,839 rapaye thi. Nivesh ka paimaana maane jaane vaale sakal sthaai poonji nirmaan vartamaan moolya par 2013-14 mein 32.11 lakh karod rupaye raha, jabki 2012-13 mein yeh 30.72 lakh karod rupaye raha tha. Sthir moolya par yeh raashi 2013-14 mein 20 lakh karod rupaye aur 2012-13 mein 20.02 lakh karod rupaye thi.

4.7 Feesadi Rahi Aarthik Vikaas Dar https://www.angrejinews.com/pic/52265