300 Mandiron Mein Sanrakshit Ho Raha Devataaon Par Arpit Jal
Breaking » Monday, April 1, 2013
Jaipur. . Rajasthan ke Jaipur mein ek jyotishi aur saamaajik kaaryakarta ne jal sanrakshan ke liye jo kaam kiya hai, vah poore desh ke liye misaal ban sakta hai. Yahaan ke mandiron mein devi-devataaon ki moortiyon ko arpit kiye jaane vaale jal ke sanrakshan ka anootha kaam kiya ja raha hai. Apne chaheton ke beech 'Guruji' ke naam se femas pandit purushottam gaud ne pichhle 13 saalon mein Rajasthan ke kareeb 300 mandiron mein jal sanrakshan dhaanche ka vikaas kiya hai. Samaaj seva aur jyotish ke kshetr mein ullekhaneeya kaam karne ke liye gaud ko 'Mahaaraana mevaad award' sahit kai sammaanon se navaaja ja chuka hai. Hindu mandiron mein bhakton dvaara arpit laakhon gailan jal naaliyon mein bah jaata tha. Gaud ne bataaya ki saal 2000 mein unhonne apna jalaabhishek abhiyaan shuroo kiya. 41 varsheeya jyotishi gaud ne bataaya, 'Mainne gaur kiya ki mandiron mein shraddhaaluon dvaara arpit jal poori tarah naaliyon mein bekaar chala jaata hai. Isliye mujhe inka bhoojal ko richaarj karne mein istemaal karne ki yukti soojhi. ' iske baad unhonne mandiron khaas kar shivaalayon mein jal sangrah karne ka kaam shuroo kiya. Jameen mein bhejane se pehle jal ko kai filtar chainbaron se gujaara jaata hai. Gaud ne kaha ki is pariyojana ke tahat mandiron mein jan sahayog se kai tank aur boravel ka nirmaan karaaya gaya. Gaud ne kaha, 'Kuchh mandiron mein 30 fut gahra gaddha khodane ki jaroorat padi taaki moortiyon ka jal seedha vahaan jama ho sake. Moortiyon par chadhaae jaane vaale doodh ko jama karne ke liye paanch fut ke gaddhe ki alag se jaroorat padi. ' unhonne kaha, 'Mujhe tab behad khushi hui jab kai vaigyaanik aur bhoojal visheshagya meri madad ke liye saamane aae aur 'Shiksha samiti' naam ke ek sangathan ko is kaam mein aage kiya. Is sansthaan ne hisaab lagaaya ki shahar mein 300 se jyaada mandir hain jahaan saavan ke maheene mein rojaana kam se kam chaar karod 50 lakh liter jal Bhagwan Shiv aur anya devi-devataaon ki pratimaaon par chadhaaya jaata hai. ' unhonne kaha ki is barbaadi ke alaava shraddhaaluon dvaara arpit jal aur doodh ka paryaavaran par bhi bura asar padta hai. Gaud ne bataaya, ''Aam taur par mandir ke najadeek jal aur doodh ko bina kisi baadha ke bahne diya jaata hai. Isse vaataavaran dooshit hota hai. Mandir ke chaaron or machhar aur makkhiyon ke palane ka vaataavaran taiyaar ho jaata hai. ' jal sanrakshan ke kaam mein I kathinaaiyon ke baare mein gaud ne bataaya ki shuroo mein iske liye pujaariyon ko mana paana aasaan naheen tha. Unhonne kaha ki unke prayaas ko kai pujaariyon ne sandeh ki najar se dekha. Yahaan tak ki jab unke samarthakon ne is pariyojana ke liye dhan jama karna shuroo kiya tab bhi pujaari aanaakaani karte rahe. Lekin aaj 300 mandir is abhiyaan se jude hain.