2ji Spectrum Mittal Ki Yaachika Sunega Supreme Court

Business »

2ji Spectrum Mittal Ki Yaachika Sunega Supreme Court

nai Delhi. . Supreme court ne bhaarati selyoolar limited ke cheef evam emadi suneel bhaarati mittal ki vah yaachika sunavaai ke liye sveekaar kar li hai, jismein 2ji spectrum maamale ki sunavaai kar rahi adaalat ke saman ko chunauti di gayi hai. Mittal ke khilaaf maamala NDA ke kaaryakaal mein 2002 mein atirikt 2ji spectrum aavantan mein kathit gadbadi aur bhrashtaachaar ke aaropon se juda hai aur unhein adaalat ne ek abhiyukt ke roop mein saman jaari kiya hai. Cheef Justice altamas kabeel ki adhyakshata waali peeth ne is yaachika par jald sunavaai par sahamati jataai aur sunavaai ki taareekh aath April tay ki. Supreme court ke saamane is maamale mein mittal ki or se pesh hue vakeel ne yaachika par jald sunavaai ki maang ki. Jaanch agency CBI ne Delhi ki vishesh adaalat mein jo chargesheet pesh ki thi, usamein aaropiyon mein mittal ka naam naheen daala gaya tha, lekin adaalat ne unhein pehli najar mein abhiyukt maanate hue saman jaari kiya hai. Adaalat ka kehna hai ki unke khilaaf mukadama chalaane ke liye paryaapt saboot hain. CBI maamale ki sunavaai kar rahe vishesh nyaayaadheesh opi saini ne ek anya company starlight selyoolar limited ke tatkaaleen director aur essaar group ke promoter ravi ruiya aur hachisn maiks teleekaam private limited ke tatkaaleen emadi aseem ghosh ko bhi saman jaari kiya hai. CBI ne inko bhi naamajad naheen kiya tha. CBI ne NDA ke kaaryakaal mein aavantit atirikt spectrum ke maamale ki jaanch ke baad 21 December 2012 ko adaalat mein chaarj daakhil kiya tha. Usamein poorv doorasanchaar sachiv shyaamal ghosh aur teen doorasanchaar companiyon - bhaarati selyoolar limited, hachisn maiks telikaum private limited (ab vodaafon India limited) aur starling selyoolar limited (ab vodaafon mobile service limited) - ke khilaaf chargesheet daayar ki thi. Un sabko 11 April ko adaalat mein bulaaya gaya tha. Adaalat ne kaha hai ki mittal, ruiya aur aseem ghosh ka us samay apni-apni un companiyon par control tha, jinko CBI ki chargesheet mein naamajad kiya gaya hai. Court ne apne do panne ke aadesh mein kaha hai ki atirikt spectrum ke aavantan ke samay mittal bhaarateeya selyoolar limited ke cheef aur emadi tatha ruiya starling selyoolar limited ke director the aur ve apni-apni companiyon ke board of daayarektars ki baithakon ki adhyakshata karte the aur companiyon ke sanchaalan par unka poora control tha. Vishesh nyaayaadheesh ne kaha tha, 'Mujhe yah bhi lagta hai ki us vakt suneel bhaarati mittal bhaarateeya selyoolar limited ke cheef aur emadi the, aseem ghosh hachisn maiks telikaum private limited ke emadi the aur ravi ruiya starling selyoolar limited ke director the, jo uske board of daayarektars ki baithak ki adhyakshata karte the. Is tarah pehli najar mein apni-apni company ka control inke hi haath mein tha. '

2ji Spectrum Mittal Ki Yaachika Sunega Supreme Court https://www.angrejinews.com/pic/4198