2ji Par Sarkaar Ke Paas Chhipaane Laayak Kuchh Bhi Naheen PM

Breaking »

2ji Par Sarkaar Ke Paas Chhipaane Laayak Kuchh Bhi Naheen PM

Vishesh samvaadadaata. . Nai Delhi 2ji spectrum ki jaanch kar rahi jauint paarliyaameintari committee ke saamane pesh hone ki BJP ki maang ko pradhaanamantri Dr. Manmohan Singh ne khaarij kar diya hai. Unhonne saaf kiya hai ki is maamale mein sarkaar ke paas chhipaane ke liye kuchh bhi naheen hai aur sarkaar is maamale se jude sabhi dastaavej pehle hi JPC ko saunp chuki hai. Gaurtalab hai ki 2 din pehle hi JPC mein BJP ke sadasya yashavant sinha ne pradhaanamantri ko patra likhkar maang ki thi ki vah is ghotaale ki jaanch kar rahi JPC ke samaksh pesh hon. Sinha ke is patra ke baad hi Congress aur BJP mein vaakayuddh shuroo ho gaya tha. Congress ki or se JPC Chairman pi. Si chaako ne morcha sanbhaalate hue ise ek raajaneetik stunt karaar diya tha, jabki BJP ne yaad dilaaya ki buraadi sammelan mein khud PM ne PAC ke samaksh pesh hone ki peshakash ki thi isliye PM ko JPC ke samaksh jaane se parahej kyon hai? Sinha ke patra ke javaab mein pradhaanamantri ne kaha hai ki sarkaar ke paas jo bhi rekaurd aur dastaavej the, ve JPC ke havaale kiye ja chuke hain. Unhonne kaha ki vah shuroo se hi kah rahe hain ki sarkaar aur unke paas chhipaane ke liye kuchh bhi naheen hain. PM ne yah bhi tark diya hai ki kaun se saboot maange jaaen aur kis vyakti ko JPC ke samaksh pesh hone ke liye kaha jaae, iska faisala JPC aur uske adhyaksh ko karna hai.

2ji Par Sarkaar Ke Paas Chhipaane Laayak Kuchh Bhi Naheen PM https://www.angrejinews.com/pic/4315