2ji Ghotaale Par Parda Daalne Mein Lage Hain Chaako Sinha

Breaking »

2ji Ghotaale Par Parda Daalne Mein Lage Hain Chaako Sinha

Nai Delhi. . 2G spectrum ghotaale ki jaanch kar rahi sanyukt sansadeeya samiti ke samaksh poorv doorasanchaar mantri A raaja ko naheen bulaane ke JPC adhyaksh pi si chaako ke rukh ki aalochna karte hue BJP neta yashavant sinha ne aarop lagaaya hai ki is panel ka upayog maamale ka pardaafaash karne ki bajaay us par parda daalne ke liye ho sakta hai. Raaja ko JPC ki baithak mein naheen bulaane ke chaako ke faisale ko unhonne 'Gambhir bhool' bataaya. JPC ke sadasya sinha ne kaha ki vah pradhaanamantri Manmohan Singh aur Loksabha adhyaksh meera Kumar ko likheinge ki agar raaja ko gavaah ke roop mein naheen bulaaya gaya to JPC ka jis uddeshya ke liye gathan kiya gaya tha, vahi nirrthak ho jaaega. Sinha ke saath hi samiti ke vaam dalon ke sadasya bhi raaja ko JPC ke samaksh bulaae jaane ki maang kar rahe hain. BJP neta ne kaha, 'Apni mel mein mainne A raaja ki or se chaako ko likhe patra ko dekha aur isse JPC ke iraadon par gambhir sandeh paida hote hain. Patra mein raaja ne kaha hai ki unhonne chaako ko teen ya chaar patra likhe aur unke javaab mein JPC adhyaksh ne keval patron ki praapti ki soochana di lekin gavaah ke roop mein unhein bulaae jaane ke unke aagrah ke sambandh mein kuchh naheen kaha. ' sinha ne kaha, yah bahut gambhir maamala hai ki JPC ke adhyaksh raaja ko samiti ke samaksh prastut naheen hone dene ka prayaas kar rahe hain. Aise mein raaja dvaara JPC ke iraadon par sandeh jataana vaajib hai. Chaako ki aalochna karte hue unhonne kaha, 'Main samajhta hoon ki ham us disha mein ja rahe hain jahaan JPC ka upayog maamale ka pardaafaash karne ki bajaay us par parda daalne ke liye hoga. Yah durbhaagyapoorn hai ki mudde ko sulajhaane ke liye hamaare aagrahon ke baavajood JPC ke adhyaksh is sansadeeya samiti ki baithak naheen bula rahe hain.

2ji Ghotaale Par Parda Daalne Mein Lage Hain Chaako Sinha https://www.angrejinews.com/pic/4064