25 Hajaar Ke Leval Par Aa Sakta Hai Sona

India »

25 Hajaar Ke Leval Par Aa Sakta Hai Sona

vis. Nai Delhi: Sone ki chamak aane vaale samay mein feeki pad sakti hai. Market sarve agency goldamain saiks ke anusaar, agale saal tak intaranaishanal market mein sone ki keemat mein das pratishat tak ki giraavat aa sakti hai. Market eksapart ka kehna hai ki is giraavat ka asar bhaarateeya market mein padna tay hai. Jo paristhitiyaan ban rahi hain, uske chalte ghareloo market mein 25,000 rupaye ke star tak neeche aa sakta hai. Guruvaar ko Delhi buliyn market mein sona 505 rupaye kam hokar 29,270 rupaye prati das gram par aa gaya. Sone mein narami ke teen mahatvapoorn intaranaishanal kaaran bataaye ja rahe hain. America ne apne kharche mein das saalon mein 1800 arab dollar ki katauti ka prastaav kiya hai. Iske chalte bade inavestaron ne apni kaarobaari rananeeti badalne par kaam shuroo kar diya hai. Ab ve short tarm gen ke liye ikviti market ki taraf rukh kar sakte hain. Doosra kaaran hai ki Euro jon sankat ke kaaran saaipras ne apne reserve se kareeb 10 tan sona bechne ka ailaan kiya hai. Anya Europeeya desh bhi vitteeya sankat se ubarane ke liye apne sone ka istemaal kar sakte hain. Teesara aham kaaran hai ki ghareloo market mein demand mein 15 se 20 pratishat ki kami aa gayi hai. Iski tulana mein sone ki upalabdhata badh gayi hai.

25 Hajaar Ke Leval Par Aa Sakta Hai Sona https://www.angrejinews.com/pic/5317