22 Ghante Jaam Ke Baad Thaanedaar Suspend

Breaking »

22 Ghante Jaam Ke Baad Thaanedaar Suspend

enabeeti news . Kurukshetr yamunaanagar ke kasba raadaur sthit emaelaen college mein Budhvaar ko dindahaade hui chhaatr yogesh raana ki hatya ka virodh karte hue parijan graameenon ke saath kareeb 22 ghante tak kurukshetr-sahaaranapur highway par date rahe. Parijanon ne aaropiyon ki jald se jald giraftaari ki maang ki hai. Karanaal ke aaiji balabeer Singh ne mauke par pahunchakar pradarshanakaariyon ko maamale mein kaarravaai karne ka aashvaasan dekar dharana jaam khulavaaya. Yogesh raana ke parivaar ko poori suraksha muhaiya karavaane ka bhi bharosa dilaaya gaya hai. Doosari taraf, is maamale mein thaana raadaur ke prabhaari nirmal Singh ko suspend kar diya gaya hai. 22 ghante tak lagaaya jaam ghatna ke virodh mein parijanon ne gussaae graameenon ke saath Budhvaar ko raadaur ka men baajaar, school, college, bank aadi pratishthaan band karva diye. Uske baad parijan kurukshetr-sahaaranapur highway par teint lagaakar shav ke saath guruvaar tak pradarshan kiya. Is dauraan graameenon ne aaspaas ke sabhi raaste band kar diye. Jila ke sabhi aala adhikaari sthiti se nipatne ke liye lagaataar 2 din raadaur mein tainaat rahe. Aaiji balabeer Singh aur graameenon ki guruvaar ko dinbhar baithakein chali. Is dauraan graameen aaropiyon ki giraftaari ke baad hi jaam kholne ki baat par ade rahe. 2 din mein giraftaari ka aashvaasan baad mein aaiji ne graameenon ko aashvaasan diya ki aaropiyon ko 2 din ke bheetar giraftaar kar liya jaaega. Jiske baad graameenon ne kareeb 22 ghante ke baad guruvaar ko lagbhag 3 baje jaam khol diya. Vaheen graameenon ki maang par thaana raadaur ke prabhaari nirmal Singh ko suspend kar diya gaya hai. Uske bad guruvaar ki shaam 4 baje mrutak yogesh raana ka gaanv naacharaun mein antim sanskaar kiya gaya. Antim sanskaar ke samay prashaasan ke sabhi aala adhikaari maujood the. Udhar graameenon ne bhi prashaasan ko chetaavani di hai ki agar 2 din ke bheetar aaropiyon ko giraftaar naheen kiya gaya to ve yogesh raana ki asthiyon ko sadak par rakhakar ek baar fir yaataayaat thap kar deinge. CCTV se mila footage doosari taraf, emaelaen college ke gate par lage CCTV kaimaron ke footage se pata chala hai ki hamlaavaron ne vaaradaat mein bolero aur safaari gaadi ka istemaal kiya. Hamlaavaron ki sankhya 10 ke aaspaas bataai ja rahi hai. Hamlaavar college ke suraksha karmachaari ko dhakka dete hue kainpas mein jabaran ghuse the. Adhiktar hamlaavaron ne munh par kapda baandh rakha tha. Keval ek ya 2 yuvakon ke chehare CCTV footage mein saaf dikhaai day rahe hain, jiske aadhaar par police aaropiyon ki pehchaan karne mein lagi hui hai. Yogesh hatyaakaand mein raadaur police ne parijanon ki shikaayat par daulatapur nivaasi ranadheer Singh, saahil, guradeep, sanni, gaurav, kamaladeep, burjevaala nivaasi manadeep, ankit, chhota banaas nivaasi vikram va dipti ke alaava mahindrapaal nivaasi raadaur ke khilaaf hatya k a maamala darj kiya hai.

22 Ghante Jaam Ke Baad Thaanedaar Suspend https://www.angrejinews.com/pic/7494