2022 Tak Har Parivaar Ko Pakka Ghar Raashtrapati Pranab Mukharji

Breaking » Monday, June 9, 2014

Nai Delhi: raashtrapati Pranab mukharji ne sansad ki sanyukt baithak mein diye apne bhaashan mein kaha ki aajaadi ke 75 saal poore hone par yaani 2022 tak desh ke pratyek parivaar ka apna pakka makaan hoga. Loksabha chunaav ke baad bani Narendra Modi sarkaar ke bhaavi kaaryakramon ka khaaka darshaane vaale raashtrapati ke is abhibhaashan mein kaha gaya, jab desh apni svatantrata ke 75 varsh poore karega tab pratyek parivaar ka apna pakka ghar hoga, jismein paani ka kanekshan, shauchaalaya suvidhaaen aur chaubeeson ghante vidyut aapoorti tatha aavaagaman ki suvidhaaen hongi. abhibhaashan mein kaha gaya, ham aisi apamaanajanak sthiti ko sahan naheen kareinge, jismein gharon mein shauchaalaya naheen hon aur saarvajanik sthaan gandagi se bhare hon. Deshbhar mein svaasthyakar paristhitiyaan, kachara prabandhan aur svachhata sunishchit karne ke liye 'Svachh Bhaarat mission' chalaaya jaaega. 'Aisa karna mahaatma Gandhi ko unki 150veen jayanti par hamaari shraddhaanjali hogi, jo varsh 2019 mein manaai jaaegi. raashtrapati ne kaha, meri sarkaar is tathya se avagat hai ki hamaari shahari avasanrachana atyadhik dabaav mein hai. Jald hi hamaari janasankhya ka 50 pratishat shahari kshetron mein rah raha hoga. Unhonne kaha ki shahareekaran ko chunauti maanane ki bajaay avsar ke roop mein lete hue sarkaar vishisht vishyon par kendrit aur vishv stareeya suvidhaaon se lais 100 shahar banaaegi. unhonne kaha ki svachhata aur saaf safaai par dhyaan dene ke liye aadarsh nagaron mein ekeekrut avasanrachana taiyaar ki jaaegi.