2002 Aksharadhaam Hamla 11 Saal Ke Baad Riha Hue Chaar Aaropi

Breaking »

2002 Aksharadhaam Hamla  11 Saal Ke Baad Riha Hue Chaar Aaropi

Ahmedabad: Supreme court dvaara 2002 aksharadhaam mandir aatankvaadi hamle ke sabhi chhah aaropiyon ko bari kiye jaane ke baad 11 saal se jail mein band chaar logon ko aaj saabaramati central jail se riha kiya gaya. iski pushti karte hue kaaraagaar adheekshak RS bhagora ne bataaya ki sabhi chaar kaidiyon ko aaj shaam riha kar diya gaya. Unhonne kaha, 'Supreme court ke aadesh aur unke vakeelon ki or se daayar anya halafanaamon ke aadhaar par humne sabhi chaar logon ko riha kar diya hai. ' isse pehle Supreme court ne kal apne aadesh mein aksharadhaam hamle ke sabhi chhah aaropiyon ko bari karte hue kaha tha, 'Abhiyojan ki kahaani har star par tootati najar aati hai. ' Gandhinagar mein sthit is mandir par 24 September 2002 mein hue hamle mein 30 log maare gaye the. is maamale mein kal Supreme court ne jin chhah logon ko bari kiya hai unke naam hain-altaaf malik, abdulamiyaan kaadari, aadam ajameri, mohammad haneef shekh, abdul kayoom aur chaand Khan urf shaan miyaan. bachaav paksh ke ek vakeel ejaaj kuraishi ne bataaya, 'Inmein se altaaf ko sthaaneeya adaalat ne paanch saal saja sunaai thi. Vah saja poori kar pehle hi riha ho chuka hai. Abdulamiyaan ko 10 saal kaaraavaas ki saja mili thi, use saat saal ke baad jamaanat par rihaai mil gayi thi aur kal ke faisale ke vakt vah jail se baahar tha. ' unhonne bataaya, 'In donon ke alaava baaki chaaron 11 saal se jail mein band the. ' in chaaron mein se aadam ajameri, abdul kayoom aur chaand Khan urf shaan miyaan ko sthaaneeya adaalat ne maut ki saja sunaai thi. Mohammad haneef shekh ko maut tak umrakaid ki saja sunaayi gayi thi.

2002 Aksharadhaam Hamla 11 Saal Ke Baad Riha Hue Chaar Aaropi https://www.angrejinews.com/pic/50857