2-ji Mein Raaja Doshi To Pradhaanamantri Aap Kyon Naheen Yashavant Sinha

Breaking » Wednesday, April 24, 2013

nai Delhi. . BJP ke senior neta aur poorv vitt mantri yashavant sinha ne pradhaanamantri Manmohan Singh par seedha nishaana saadha hai. Unhonne pradhaanamantri se poochha jab poorv keindreeya telikaum mantri A. Raaja ne JPC se kaha hai ki sabhi bade faisale lene se pehle pradhaanamantri se salaah li gayi thi, iske baad aapki chuppi samajh mein naheen aati hai. Yashanvat sinha ne kaha ki iska matlab yah hai ki aap bhi 2-ji skaim mein shaamil the. Kya yah sahi vakt naheen hai ki aap JPC ke samaksh aakar is maamale mein apni baat rakhein? Gaurtalab hai ki yashavant sinha sanyukt sansadeeya samiti ke sadasya hain jo 2-ji skaim ki jaanch kar rahi hai. Yashanvat sinha ne pradhaanamantri se ye savaal unhein chitthi bhejkar poochhe hain. JPC ne Chidambaram aur PM ko clean chit diya aur raaja ko ghera yashavant sinha ne poochha ki meri pehli chitthi ke javaab mein aapne kaha tha ki mere paas chhupaane ke liye kuchh bhi naheen hai. Lekin aapke poorv cabinet kauleeg A. Raaja ne hi aapke us bayaan ko galat karaar diya hai ki aapke paas chhupaane ke liye kuchh bhi naheen hai. Iske baad bhi aapki kaanafodoo chuppi ka raaj kya hai? Yashanvat sinha ne kaha ki raaja ke us gambhir aarop ki 2-ji ki neelaami ke vakt aap anajaane naheen the aur aapko sab kuchh pata tha ke baad JPC mein aakar javaab dena chaahiye. JPC draft report mein Vajpayee ka naam naheen: Chaako yashanvat sinha ne pradhaanamantri ko chitthi JPC ki us vivaadit report aane ke ek din baad jismein ki pi. Chidambaram aur Manmohan Singh ko clean chit di gayi hai, likhi. Yashavant sinha ne bade talkh tevar mein pradhaanamantri se poochha hai ki aap Bhaarat ki janta se poori tarah dare hue hain. Aisa isliye ki aapki chuppi 2-ji skaim mein sanliptata ko pusht karti hai. Isse saabit hota hai 2-ji skaim mein keval raaja hi shaamil naheen the balki aap bhi the. Yashanvat sinha ne saaf ishaara kar diya hai ki JPC ki kal hone waali meeting behad talkh rahegi. Sinha ne kaha ki aapki party ke neta pi. Si. Chaako ki adhyakshata waali JPC kai tarah ke sankat se joojh rahi hai. JPC mein bana gatirodh sahi nishpakshata ko buri tarah se prabhaavit kar sakta hai. Raaja ne somvaar ko hi kaha tha ki sabhi bade faisale jismein ki entry fi se lekar spectrum ki neelaami tak shaamil hai pradhaanamantri ki sahamati ke baad hi liye gaye. Raaja ne yah bhi kaha hai in faisalon ke baare mein pi. Chidambaram aur pranav mukharji ko bhi pata tha.