2-ji Maamale Ki Videshon Mein CBI Jaanch 'Atyant Dheemi JPC Sadasya

Business »

2-ji Maamale Ki Videshon Mein CBI Jaanch 'Atyant Dheemi  JPC Sadasya

Nai Delhi: 2-ji ghotaale ki jaanch kar rahi sanyukt sansadeeya samiti (JPC) ke sadasyon ne is maamale ki videshon mein chal rahi CBI jaanch ki 'Atyant dheemi gati' par chinta jaahir ki hai. CBI ne 2-ji spectrum aavantan maamale ki jaanch kar rahi JPC ko bataaya ki usane vibhinn deshon ko 'Anurodh patra' bhej kar dhan ke len-den ki jaankaari maangi hai taaki 2-ji aavantan ke maamale mein aaparaadhik dosh tatha kshamata se pare jaakar atirikt spectrum aavantan kiye jaane ke aaropon ki sachaai ka pata chal sake. Baithak ke dauraan samiti ke sadasyon ne CBI ke nideshak Ranjit sinha se kaha ki videshon mein is maamale ki atyant dheemi gati se jaanch ko lekar vah naakhush hain. CBI ne kaha ki Bhaarat mein maamalon ki jaanch ki ja rahi hai lekin videshon mein jaanch abhi bhi lambit hai. Pichhle saptaah JPC ke samaksh CBI ne kaha ki jaanch agency ne 11 April 2012 ko Malaysia, Britain, maureeshas aur baramooda ke paas anurodh patra bheje hain tatha intarapol aur sambandhit uchchaayogon ki madad se unke kaaryaanvayan ki koshish jaari hai. Anurodh patra bhej kar radio tarangein praapt karne waali kuchh doorasanchaar companiyon ke dhan ke srot ki jaankaari maangi gayi hai. Jaanch agency ke adhikaariyon ne kaha ki vibhinn deshon ko bheje gaye anurodh patra ka javaab milne ke baad hi vah 'Vyaapak najariya' apnaane ki sthiti mein honge. CBI ne kaha ki maureeshas aur Britain se poochhe gaye savaalon ke javaab day diye gaye hain. Agency ne kaha ki use Britain aur baramooda se kuchh jaankaari mil sakti hai aur aage ki report ki prateeksha ki ja rahi hai. JPC ke samaksh CBI ne kaha ki Malaysia ne kai savaal poochhe jinke javaab day diye gaye hain. Anurodh patra Malaysia ko bheje jaane ke baad jaanch agency ne us desh ka do baar daura bhi kiya. Anurodh patra ek aupachaarik anurodh hota hai jo sambaddh adaalat videshi adaalat ko jaari karti hai aur jaanch agency ki or se ise videsh mantraalaya agrasaarit karta hai taaki aavashyak jaankaari haasil ki ja sake. Karodon rupaye ke 2-ji maamale ki jaanch CBI ke saath sanyukt roop se pravartan nideshaalaya bhi kar raha hai. Anurodh patra bhejane se pehle pravartan nideshaalaya ne doosare deshon mein apne samakakshon se sampark kiya jinko September 2007 se January 2008 ke beech ardh aupachaarik aadhaar par spektam aavantan haasil karne waali kuchh doorasanchaar companiyon ke baare mein jaankaari thi.

2-ji Maamale Ki Videshon Mein CBI Jaanch 'Atyant Dheemi JPC Sadasya https://www.angrejinews.com/pic/2129