2 Betiyon Ke Saath Pita Ne Ganga Mein Lagaai Chhalaang

India »

2 Betiyon Ke Saath Pita Ne Ganga Mein Lagaai Chhalaang

ek samvaadadaata . Bulandashahar karj mein doobe Aligadh ke ek yuvak ne bulandashahar jile ke naraura ilaake mein ganga nadi mein apni 2 betiyon ke saath kood kar khudakushi kar li. Ghatna se pehle yuvak ne apne bete ko maarapeet kar ghar bhej diya tha. Doosari taraf, pati aur donon betiyon ko ganga mein doobata dekhkar usaki patni ne bhi aatmahatya ki koshish ki, lekin gotaakhoron ne mahila ko bacha liya. Baad mein teenon ke shavon baahar nikaalkar postmortem ke liye sarkaari aspataal bhej diya gaya. Bataaya ja raha hai ki Aligadh ke dori nagar nivaasi 45 varsheeya dharmeindr furniture ka kaam karta tha. Uske parivaar mein patni ke alaava 3 betiyaan aur 1 beta tha. Usane ek soodakhor se ek varsh pehle 20 hajaar rupaye ka karj liya tha. Usane sood ke saath kareeb 80 hajaar rupaya chuka diya tha, uske baavajood us par ek lakh rupaya bakaaya rah gaya tha. Soodakhor ki dabangai se pareshaan hokar yuvak ne maut ko gale lagaane ki thaan li. Mrutak dharmeindr ki patni guddi devi ne bataaya ki furniture ka kaam badhaane ke liye uske pati ne sood par 20 hajaar rupaya liya tha. Karj lene ke 15 din baad soodakhor ne 800 rupaye pratidin maangane shuroo kar diye. Is tarah use 80 hajaar rupaya day diya gaya. Uske baavajood uske pati ko ek lakh rupaya aur dene ko kaha gaya. Rakam naheen dene par usaki javaan beti ko uthaakar le jaane ki dhamaki di gayi. Isse pareshaan hokar parivaar ke sabhi sadasyon ne shanivaar ki subah saamoohik aatmahatya ka nirnaya liya. Poora parivaar raat ke 10 baje naraura ganga ke baasi ghaat par pahuncha. Is dauraan dharmeindr ne apne ikalaute bete 19 varsh mithun aur chhoti beti 9 varsheeya svaati ko kasam dekar ghar bhej diya. Uske baad dharmendr 17 varsheeya beti toshi aur 14 varsheeya bhaavana ko saath lekar ganga mein kood gaya. Pati aur dono betiyon ko doobata dekhkar dharmeindr ki patni guddi ne bhi ganga mein chhalaang laga di. Is beech gotaakhoron ne guddi ko ganga mein koodata dekh liya, jisse use bacha liya gaya. Mahila se poochhataachh ke baad gotaakhoron ne usaki donon betiyon aur pati ke shav ko bhi kaafi mashakkat ke baad ganga se nikaal liya. Guddi ne police ko bataaya ki vah soodakhor ka naam naheen jaanti hai, lekin vah Aligadh ke prem nagar mein rahata hai. SSP gulaab Singh ne bataaya ki ek hi parivaar ke 3 sadasyon ki khudakushi ka maamala gambhir hai. Maamale ki tahakeekaat ke liye police ki ek team Aligadh bheji gayi hai. Soodakhor ki pehchaan kar uske khilaaf kaarravaai ki jaaegi.

2 Betiyon Ke Saath Pita Ne Ganga Mein Lagaai Chhalaang https://www.angrejinews.com/pic/7808