1993 Ke Baad Aavantit Kol Blauk Gairakaanoonee Report

Breaking » Tuesday, April 23, 2013

Sanjaya datta/mahuaa chatarji nai Delhi. . Koyala aur steel par gathit staindig committee ne apni report mein kaha hai ki 1993 se 2008 tak aavantit kiye gaye sabhi kol blaukon ka aavantan anaadhikaarik tareeke se kiya gaya. Committee ne aise sabhi kol blaukon ka aavantan radd karne ki sifaarish ki hai jahaan abhi utpaadan shuroo hona baaki hai. Koyala aur steel par bani stainding committee ne mangalvaar ko sansad mein pesh hone waali apni report mein ye baatein kahi hain. Committee ke adhyaksh Trinamool Congress ke saansad kalyaan Bannerjee ne saath hi kaha ki is aavantan mein pratyaksh ya paroksh roop se shaamil sabhi vyaktiyon ki jaanch ki jaani chaahiye. Report mein kaha gaya hai ki in aavantanon mein paaradarshita naheen barati gayi. 1993 se lekar 2004 tak ke aavantan bina kisi vigyaapan ke kiye gaye. Report ke anusaar saal 2004 se 2008 tak ke aavantan ki soochana website par di gayi, lekin ismein bhi paaradarshi nivida prakriya naheen apnaai gayi. Isliye in aavantanon se sarkaar ko koi raajasv naheen mila. Pichhle saal kaig ne bhi apni report mein kaha tha ki nivida prakriya na apnaane se koyala blaukon ke aavantan se sarkaar ko 1.86 lakh karod ke raajasv ka nuksaan huaa tha. 22 March 2012 ko I kaig ki draft report mein 10.67 lakh karod ke nuksaan ki baat kahi gayi thi. Jise May mein I apni antim report mein kaig ne ghataakar 1.86 lakh karod kar diya tha.