16veen Loksabha Mein Kaam Ke Ghante Hue Kam Lekin Paas Hue Jyaada Bill

Breaking »

16veen Loksabha Mein Kaam Ke Ghante Hue Kam Lekin Paas Hue Jyaada Bill

Nai Delhi Budhvaar ko 16veen Loksabha ka antim satr samaapt ho gaya. Raafel aur naagarikta bill ke virodh mein Rajyasabha mein vipakshi dalon ka hangaama jaari raha. Haalaanki Modi sarkaar ka antarim bajat donon sadanon mein paas ho gaya. Kai maamalon mein yeh Loksabha pichhli lokasabhaaon ki tulana mein behtar saabit hui vaheen kuchh aisi baatein bhi hain jo ausat kaaryavaahi ki najar se kamtar raheen. Kaam ka samay Peeaaraes lejisletiv research ke mutaabik16veen Loksabha mein kul 1,615 ghante kaam hua. Yeh 15veen Loksabha ke mutaabik 20 pratishat jyaada tha lekin agar abatak Loksabha mein kaam ke kul ghanton ka ausat (2,689 ghante) nikaala jaae to yeh 40 feesadi kam hai. Yeh paanch saal ki lokasabhaaon mein doosari sabse kam kaam karne waali Loksabha hai. Is baar Loksabha ke kaaryavaahi ke din bhi kam hue hain. Ismein Loksabha ki kaaryavaahi kul 331 din hui jo ki poornakaalik lokasabhaaon ke ausat se 137 din kam hai. Loksabha mein baadha ki vajah se samay ka nuksaan Is Loksabha mein nirdhaarit samay ka 16 pratishat hangaame ki vajah se barbaad hua. Haalaanki yeh 15veen Loksabha ke (37%) mukaabale behtar tha. 14veen Loksabha mein 13 feesadi samay hi barbaad hua tha. Rajyasabha mein nirdhaarit samay ka 36 feesadi vakt hangaame ki bali chadha. Yeh pichhli donon lokasabhaaon ki tulana mein kramash: 32 aur 14 feesadi jyaada hai. Vidhaayika ka kaam Is Loksabha mein kul samay ka 32 feesadi kaanoon banaane ki prakriya mein istemaal hua. Yeh ausat (25 pratishat) se jyaada hai aur pichhli sabhi lokasabhaaon mein doosra sabse jyaada hai. Is Loksabha mein 133 bill paas hue jo pichhli Loksabha se 15 pratishat jyaada hain. Is baar paarlyaameintri committee ko bheje gaye bilon ki sankhya pichhli Loksabha ki tulana mein 25 feesadi kam hai. 14veen aur 15veen Loksabha mein sansadeeya samitiyon ke paas jyaada bill bheje gaye the jinki jaanch ka prastaav rakha gaya tha. Sarkaar ke do mahatvapoorn vidheyak naagarikta(sanshodhan) vidheyak aur teen talaak vidheyak Rajyasabha mein paas naheen ho paae hain. Saraakar ka kaaryakaal khatm hone ke saath hi ye donon bill samaapt ho jaaenge. 3 June ko is sarkaar ka kaaryaakaal khatm ho raha hai.

16veen Loksabha Mein Kaam Ke Ghante Hue Kam Lekin Paas Hue Jyaada Bill https://www.angrejinews.com/pic/254672