16,000 Megaavaut Ke Bijleegharon Ko Koyala Milna Mushkil Mantraalaya

Business »

16,000 Megaavaut Ke Bijleegharon Ko Koyala Milna Mushkil Mantraalaya

Nai Delhi. . Koyala mantraalaya ne antar mantraalayi samiti ko bataaya hai ki koyale ke kami ke chalte kul milaakar 16,000 megaavaut utpaadan kshamata ke bijli gharon ko koyale ki saplaai karna sambhav naheen hoga. Ghatnaakram se jude ek sootr ne bataaya, 'Koyala mantraalaya ka maanana hai ki koyale ki kami ko dekhte huye vah kareeb 16,000 megaavaut utpaadan kshamata ke bijli plaanton ko koyala upalabdhata sunishchit naheen kar sakta. Inmein se kai plaanton par kaam antim charan mein pahunch chuka hai. ' mantrimandal ki aarthik maamalon ki samiti (CCEA) se mile nirdesh ke baad koyala mantraalaya ne 16,000 megaavaut utpaadan kshamata ke bijli plaanton ke liye koyala upalabdhata sunishchit karne ke vaaste ek antar mantraalayi samooh banaaya hai. Koyala sachiv SK shreevaastav ki adhyakshata vaale is samooh mein vidyut, ispaat, railway aur kaanoon mantraalaya ke pratinidhi shaamil hain. Sarkaari dastaavej ke mutaabik kol India limited ko varsh 2014-15 tak kul milaakar 143 indhan aapoorti samjhauton par sign karne hain. In bijli plaanton ko 12veen yojanaavadhi ke dauraan koyala saplaai ka aashvaasan diya gaya. Inki kul utpaadan kshamata 60,000 megaavaut hai. Dastaavej ke anusaar inmein se 92 indhan aapoorti samjhaute March ant tak hone the. Ab tak kol India ke saath 56 bijli companiyon ne indhan aapoorti samjhaute par sign kiye hain. Desh ke kul koyala utpaadan mein kol India ki 80 pratishat tak hissedaari hai. Baharahaal, jin 16,000 megaavaut utpaadan kshamata ke bijli plaanton ke liye koyala naheen milne ki baat ki ja rahi hai, vah 60,000 megaavaut utpaadan kshamata ke liye pehchaan kiye gaye praujekts se alag hain. Kol India ne indhan aapoorti samjhaute ke tahat naya faurmyula taiyaar kiya hai, jismein 65 feesadi ghareloo aur 15 feesadi inported koyala hota hai.

16,000 Megaavaut Ke Bijleegharon Ko Koyala Milna Mushkil Mantraalaya https://www.angrejinews.com/pic/5102