13 Saal Tak Gujarat Ke Mukhyamantri Rahe Narendra Modi Ne Isteefa Diya, Aanandi Ben Hongi Nai CM

Breaking »

13 Saal Tak Gujarat Ke Mukhyamantri Rahe Narendra Modi Ne Isteefa Diya, Aanandi Ben Hongi Nai CM

Gujarat ki raajyapaal kamala beneevaal ko isteefa saunpate Narendra Modi Gujarat ki raajyapaal kamala beneevaal ko isteefa saunpate Narendra Modi Gandhinagar: Narendra Modi ne 13 saal tak Gujarat ke mukhyamantri rahane ke baad aaj apne pad se isteefa de diya. Unhonne Rajbhavan jaakar raajyapaal kamala beneevaal ko apna isteefa saunpa. Modi 26 May ko shaam chhah baje desh ke nae pradhaanamantri ke roop mein shapathagrahan karne ja rahe hain. Aanandi ben Patel raajya ki nai mukhyamantri hongi. Gujarat ki agali mukhyamantri banane ja raheen aanandeeben Patel bilkul anushaasanapriya evam kathor prashaasak ke roop mein samajhi jaati hain, jo saarvajanik jeevan mein shuchita ko aham maanati hain aur yeh unke raajaneetik sanrakshak aur bhaavi pradhaanamantri Narendra Modi ki visheshata se mel khaata hai. Modi ne unhein apna uttaraadhikaari chuna hai. Fijool ki baaton mein naheen padne vaaleen aanandeeben raajya mein BJP sarkaar mein sabse lambe samay tak mantri raheen. Vah 1980 ke dashak ke uttaraardh mein BJP se judi theen aur tab se vah lagaataar party mein aage badhti raheen. aaj Modi ko vidaai dene ke liye Gujarat vidhaanasabha mein vishesh satr ka aayojan kiya gaya, jismein mukhyamantri ke roop mein apna antim bhaashan dete Narendra Modi ne kaha ki Gujarat ke vikaas mein sabka yogadaan hai aur unki jeet ka shreya vipaksh ko bhi jaata hai. Modi ne kaha, is sadan mein mainne bahut kuchh seekha hai aur mujhe Gujarat ke netaaon par poora bharosa hai. Unhonne kaha ki yadi samasyaaen aur dikkatein hain, to unka samaadhaan yuvaaon ke paas hai. Modi ne kaha, shankarasinh bhaai (vaaghela) ab garv se kah sakeinge, pradhaanamantri unki baaik par ghooma karte the. . . Humne unki baaik par har jile ki yaatra ki hai. Gujarat vidhaanasabha mein neta vipaksh shankar Singh vaaghela ne Narendra Modi ka jordaar svaagat kiya. Kabhi BJP mein rahe aur maujooda Congress neta vaaghela ne Modi ko gale laga liya. Vaaghela ne Modi ki taareefon ke pul baandhe aur kaha ki Gujarat ka CM desh ka PM banane ja raha hai. Modi ne kaha ki ab peeemao mein bhi gujaraati boli jaaegi aur dhokala, khaakara khaae jaaenge. (input bhaasha se bhi)

13 Saal Tak Gujarat Ke Mukhyamantri Rahe Narendra Modi Ne Isteefa Diya, Aanandi Ben Hongi Nai CM https://www.angrejinews.com/pic/51260