12 Vidrohiyon Ko Maarane Ke Baad Shaheed Hue Mere Pita

Breaking »

12 Vidrohiyon Ko Maarane Ke Baad Shaheed Hue Mere Pita

joel Joseph maheindragadh. . Soodaan mein shaheed hue lieutenant mahipaal Singh ki seva ek maheene naheen badhaayi jaati to shaayad vah jinda hote. Lieutenant mahipaal Singh ke parivaar vaalon ne kaha ki sanyukt raashtra shaanti rakshak dal mein afreekan kauntineint mein unki seva 5 April ko khatm ho rahi thi lekin baad mein ek maheene ke liye badha di gayi. Parivaar vaalon ne bhare man se kaha ki hamalog unase milne ke liye betaab the. May mein vah aane vaale the aur poora parivaar besabri se intajaar kar raha tha. Mahipaal Singh ke saath chaar aur bhaarateeya javaan mangalvaar ko soodaan mein vidrohiyon ke hamle mein maare gaye the. Sanyukt raashtra shaanti raksha dal ke sahayogiyon ne parivaar vaalon ko bataaya tha ki unke kaafile par doosari baar ghaat lagaakar hamla kiya gaya tha. Mahipaal Singh ke 21 varsheeya bete aar. S. Pilani ne apne pita ki bahaaduri ke baare mein bataaya, 'Jab mere pita ki ded baudi unke kauleeg lekar pahunche to mainne dekha ki unke seene ka right side goli se jakhmi tha. Vah apni gan mein maigjin change karne ki liye ek khaas pojishn mein the. Usi vakt un par hamla bol diya gaya. Mere pita ne marne se pehle bahaaduri se 12 vidrohiyon ko maar giraaya tha. Jis kaafile mein mere pita the usamein 32 officer the. Kareeb 200 vidrohiyon ne is kaafile ko gher liya tha. Jaahir si baat hai ve sankhya mein jyaada the. ' gam ke is maahaul mein Pilani ne kaha, 'Jab guruvaar subah mere pita ka shav gaanv pahuncha to aisa lag raha tha maano abhi bhi unke chehare par muskaan bachi hai. Bina maut se khauf khaae Pilani sena mein jaane ke liye adig hain. Filhaal Pilani Pune naishanal defence academy mein training le rahe hain. Lieutenant mahipaal Singh apni patni do bete aur ek beti ko chhod gaye hain. Unki beti Indian air fors mein flight lieutenant hain.

12 Vidrohiyon Ko Maarane Ke Baad Shaheed Hue Mere Pita https://www.angrejinews.com/pic/5286