12 Saal Se Gujarat Mein Naheen Hue Dange Modi

India »

12 Saal Se Gujarat Mein Naheen Hue Dange  Modi

PTI. Haridvaar : Sant samaaj ke ek varg ne shukravaar ko Gujarat ke mukhyamantri Narendra Modi ko pradhaanamantri pad ka sabse kaabil ummeedavaar bataaya. Vaheen Gujarat ke mukhyamantri Narendra Modi, jo aamtaur par 2002 mein godhara kaand ke baad hui hinsa par savaalon ka javaab dene se bachate hain, unhonne kaha ki 12 saal se Gujarat mein koi dange naheen hue hain. Shukravaar ko Modi ne raamadev ke saath saajha plaitafaarm share kiya. Vah yog guru Baba raamadev ke kanakhal sthit patanjali yogapeeth mein aachaarya kulam shikshan sansthaan ka udghaatan karne pahunche the. Santon ka aasheervaad Modi ne kaha ki unhein santon ke aasheervaad ki jaroorat kisi pad ke liye naheen, balki sahi raaste par chalte rahane ke liye hai. Is avsar par ekatr hue pramukh santon ne ek sur mein kaha ki keval Modi hi desh ko bhrashtaachaar jaisi buraaiyon se mukti dila sakte hain. Sarve bhavantu sukhin: Modi ka kehna tha ki unhonne kabhi hindu bhavantu sukhin: Ki bhaavana se kaam naheen kiya. Unka mool mantra samaaj ke sabhi vargon ke kalyaan ki bhaavana rahi hai. Unke raajya mein pichhle 12 saal mein koi dange naheen hue aur unhonne hamesha sarve bhavantu sukhin: Ki parampara ko aage badhaaya hai. 'Kya tha raamadev ka gunaah? ' 2 saal pehle Delhi ke raamaleela maidaan mein Baba raamadev ke bhrashtaachaar aur kaala dhan virodhi aandolan par kendra ki kaarravaai ki or ishaara karte hue unhonne kaha ki Baba raamadev ka gunaah kya tha. Yah savaal sirf vah hi naheen, balki poora desh aur us aandolan ke dauraan maari gayi raajabaala ki aatma bhi poochh rahi hai ki kya lokatantr mein vipreet vichaar rakhana gunaah hai aur aandolanakaariyon par julm kyon kiye gaye? 'Theek ho jaaega dimaag' unhonne desh ko yog ke maadhyam se rog mukt karne mein Baba raamadev ke yogadaan ko atulaneeya bataaya. Modi ne ishaaron mein Congress par vyangya karte hue kaha ki Baba ka kapaal bhaati yog logon ke dimaag ki saari bhraantiyon ko door kar dega. Bhrashtaachaar ke khilaaf aavaaj Modi ne raamadev ko sachcha yogasaadhak aur ' van life van mission ' vaala vyakti bataate hue daava kiya ki vah yojanaabaddh tareeke se kuchh naheen karte. Unhonne kaha ki Baba to logon ka svaasthya theek kar rahe the lekin jab unhonne raashtreeya svaasthya ko sankat mein dekha , to uske liye aavaaj uthaai. 125 karod badaleinge bhaagya Gujarat ke vikaas ka shreya gujaraatiyon ko dete hue unhonne kaha ki jab 6 karod log Gujarat ko badal sakte hain to desh ke 125 karod logon ka purushaarth bhi Bhaarat ke bhaagya ko bhi badal sakta hai. Bhaarat ko vishv ka sabse yuva desh bataate hue Modi ne kaha ki 21 veen sadi gyaan ki sadi hai aur Bhaarat jaisa jnyaaanavaan desh hi vishv guru banega. Apne haridvaar aagaman par khushi vyakt karte hue unhonne kaha ki vah is saal prayaag mein Kumbh mein naheen ja paae the , lekin ab haridvaar mein gangaatat par santon ke saannidhya se unke man ki kasak kuchh kam hui hai. Kaun rokega hamla ? Baba raamadev ne kaha ki aise samay mein jab mutthi bhar logon ke haathon mein satta hai , desh ka hajaaron karod rupaye ka kaalaadhan videshon mein hai aur padosi deshon ka dussaahas badh raha hai. Keval Modi hi desh ko saksham netrutv day sakte hain. Raamadev ne kaha ki Pakistan seema ke bheetar ghuskar hamaare sainikon ka sir kaat deta hai , cheen hamaari seema mein 10 kimi andar ghus aata hai , koi kuchh naheen bolata. Aakhir kaun iske khilaaf lad ega.

12 Saal Se Gujarat Mein Naheen Hue Dange Modi https://www.angrejinews.com/pic/6920