100 Run Ka Lakshya Bhi Bhaarat Ke Liye Mushkil Hoga Laayan

Cricket »

100 Run Ka Lakshya Bhi Bhaarat Ke Liye Mushkil Hoga Laayan

Nai Delhi. . Bhaarat bhale kisi bhi Delhi test mein lakshya ko haasil karne ke prati aashvast ho, lekin Australiaee spinner Nathan laayan ka maanana hai ki Ferozshah Kotla ki tootati pitch par 100 run ka lakshya haasil karna bhi mushkil hoga. Laayan ne chauthe test match ke doosare din ka khel samaapt hone ke baad samvaadadaataaon se kaha, 'Hamein achhi ballebaaji karne ki jaroorat hai. Yahaan tak ki 100 run ka lakshya bhi haasil karna bhaarateeyon ke liye mushkil hoga. Wicket mein geind kabhi oopar to kabhi neeche rah rahi hai. Hamein achhi ballebaaji karni hogi aur ummeed hai ki ham 150 se 200 run ki badhat haasil kar leinge. Isse ham bhaarateeyon ko dabaav mein la sakte hain. ' is of spinner ne 94 run dekar paanch wicket liye aur match mein donon teemon ka palada samaan rakha. Laayan ne sachin Tendulkar ko bhi pavilion ki raah dikhaai, lekin unhonne kaha ki unke liye har wicket keemati tha. Laayan ne kaha, 'Mere liye sabhi paanch wicket khaas the. Tendulkar aur Kohli jaise khilaadiyon ke khilaaf khelte hue aap hamesha unka wicket lene ki koshish karte hain. Main un sabhi ka wicket lekar khush hoon. Mainne vaastav mein khel ka maja liya. Mera aatmavishvaas badha hai. Hamaari team ab mukaabale mein hai. ' Leon ne apni safalta ka shreya kaaryavaahak kaptaan Shane Watson ko bhi diya. Unhonne kaha, 'Shane Watson ne ham sabhi se kaha ki hamein unhein (Bhaarat) baraabari ki takkar deni hai aur mukaabale mein bane rahana hai. Isse ham sabhi mein josh bhara. Paanch wicket lene mein unki salaah bhi madadgaar rahi. Pichhle teen maichon mein ham saajhedaari mein geindabaaji karne aur virodhi team par dabaav banaane mein naakaam rahe the. '

100 Run Ka Lakshya Bhi Bhaarat Ke Liye Mushkil Hoga Laayan https://www.angrejinews.com/pic/3204