10 Maheene Baad Batting Karte Hue Thoda Nervous Tha Rahul Dravid

Cricket »

10 Maheene Baad Batting Karte Hue Thoda Nervous Tha Rahul Dravid

Nai Delhi. . Test aur ekadivseeya cricket ke donon praaroopon mein das hajaar se adhik run banaane vaale diggaj ballebaaj Rahul Dravid ne shanivaar ko sveekaar kiya ki das maheene baad crease par utarane ke baad vah shuroo mein thoda nervous the. Rajasthan Royals ke kaptaan Dravid ne aaj ardhashatak jamaaya lekin unki team ne Delhi Daredevils ko paanch run se haraakar IPL mein shaanadaar aagaaj kiya. Pichhle saal antararaashtreeya cricket se sannyaas lene vaale Dravid ne match ke baad samvaadadaataaon se kaha, 'Main das maheene baad khel raha tha, isliye thoda nervous tha. Mainne achhi paari kheli. Aaj un dinon mein se ek din tha jab bhaajnya mere saath tha. Nishchit taur par isse aage ke maichon ke liye mera aatmavishvaas badhega. ' Dravid ne khushi jataayi ki unke khilaadiyon ne is kareebi match mein aakhir tak haar naheen maani. Unhonne kaha, 'Ham pichhle saal yahaan kaafi kam antar se haar gaye the. Delhi ko Delhi mein haraana aasaan naheen hai lekin yahi ti-20 hai. Ismein jab bhi koi wicket girta to match ka paasa palat sakta hai. ' unhonne kaha, 'Braid hauj ka Warner ko run out karna mahatvapoorn raha. Usase match ka paasa palat gaya. Unhein aakhiri overon mein nau run prati over ki dar se run banaane the lekin hamaare khilaadi faait karte rahe aur aakhir mein unhein safalta mili. ' Dravid ne haalaanki kaha ki yadi unki team ko aage ke maichon mein achha pradarshan karna hai to use khel ke teenon vibhaagon mein sudhaar karna hoga. Unhonne kaha, 'Hamein lagbhag har vibhaag mein sudhaar karna hoga. Ajinkya rahaane ne achha catch kiya aur braid hauj ne run out karke match ka paasa palata lekin humne do catch bhi chhode. ' unhonne kaha, 'Iske alaava ham aakhiri do overon mein achhi ballebaaji naheen kar paae the. Hamein bada score banaana chaahiye tha. Geindabaaji mein ham beech ke overon mein achha pradarshan naheen kar paae. ' feelding karte samay Dravid ke paanv ki maansapeshiyon mein khinchaav aa gaya jiske kaaran vah aage maidaan par naheen utare. Unhonne kaha, 'Yah niraashaajanak hai ki main khilaadiyon ke saath maidaan par naheen raha lekin mujhe khushi hai ki aakhir mein ham jeet darj karne mein safal rahe. Yah keval ainthan hai jo jald hi theek ho jaaegi. ' Dravid ne yuva tej geindabaaj Rahul shukla aur kevon koopar ki taareef ki jinhonne aakhiri do over kiye. Unhonne kaha, 'Unneesavaan over kaafi aham tha jise Rahul ne kiya. Iske baad koopar ne bahut achhi geindabaaji ki kyonki botha, Russel aur pathaan teenon lambe shauts khelne vaale ballebaaj hain aur un par ankush lagaana aasaan naheen hai.

10 Maheene Baad Batting Karte Hue Thoda Nervous Tha Rahul Dravid https://www.angrejinews.com/pic/4684