1 June Se 20 Jilon Mein Rasoi Gas Cash Subsidy

Business »

1 June Se 20 Jilon Mein Rasoi Gas Cash Subsidy

Vishesh samvaadadaata . . Nai Delhi rasoi gas par cash subsidy 20 jilon mein ek June se laagoo hogi. Petrolium mantri veerappa moili ne Budhvaar ko is baat ki jaankaari di. Moili ne ek savaal ke javaab mein kaha hai ki jinke paas aadhaar naheen hai, unhein turant ise banaane ke liye kah diya gaya hai. Jinke paas aadhaar hai unako bank account kholne aur usase aadhaar number ko jodne ke liye kah diya gaya hai. Kin jilo mein skeem jin jilon mein cash subsidy skeem shuroo ki jaaegi ve hain, Andhra pradesh ke anantapur, chitoor, East godaavari. Hyderabad ke ranga Reddy, daman aur deev ka deev. Goa ka naurth Goa. Himachal pradesh ka bilaasapur, hameerapur, mandi aur oona. Karnataka ka Mysore, tumakur. Kerala ka pathanaamathita, vaayaanad. Maharashtra ka vardha jila. Punjab ka esabeees nagar, navanashahar. Madhya pradesh ka East nimaad (khandava) aur hardha jila. Iske alaava Puducherry mein bhi yah skeem shuroo ki jaaegi. Delhi mein agale charan mein shuroo hoga yah skeem pehle charan mein Delhi ke kisi bhi jile mein shuroo naheen ki ja saki. Iska aham kaaran yah hai ki Delhi ke kisi bhi jile mein 70 pratishat logon ko aadhaar number naheen mil paaya. Petrolium mantraalaya ke sootron ke mutaabik, shuroo mein un jilon mein skeem laagoo ki ja rahi hai jahaan par kul aabaadi ke 70 ya usase jyaada pratishat logon ko aadhaar number mil chuka hai aur usako bank account se jod diya gaya hai. Enabeeti se baatcheet mein moili ne kaha, aise jilon mein yah skeem shuroo karne mein jyaada aasaani hogi jahaan adhikaansh logon ko aadhaar mil gaya hai aur use bank account se jod diya gaya hai. Petrolium mantraalaya ke ek uchchaadhikaari ne bataaya ki October ya November mein is skeem ka doosra charan aarambh kiya jaaega. Ismein Delhi samet anya metro shahar ko shaamil karne ki koshish ki jaaegi.

1 June Se 20 Jilon Mein Rasoi Gas Cash Subsidy https://www.angrejinews.com/pic/8701