yunesko

Small Flag of the United Nations ZP.svg sanyukt raashtra shaikshik, vaigyaanik evam saanskrutik sangathan
Unesco.jpg
prakaar visheshagya sanstha
sankshipti UNESCO
adhyaksh UNESCO mahaasachiv
ireena bokova
vartamaan
sthiti
sakriya
sthaapana 1945
jaalasthal www.unesco.org

yoonesko (UNESCO) 'sanyukt raashtra shaikshik, vaigyaanik evam saanskrutik sangathan (United Nations Educational Scientific and Cultural Organization)' ka laghuroop hai.

sanyukt raashtra shaikshik, vaigyaanik tatha saanskrutik sangathan (yoonesko) sanyukt raashtra ka ek ghatak nikaaya hai. iska kaarya shiksha, prakruti tatha samaaj vigyaan, sanskruti tatha sanchaar ke maadhyam se antaraashtreeya shaanti ko badhaava dena hai. sanyukt raashtra ki is vishesh sanstha ka gathan 16 November 1945 ko hua tha. iska uddeshya shiksha evam sanskruti ke antararaashtreeya sahayog se shaanti evam suraksha ki sthaapana karna hai, taaki sanyukt raashtra ke chaartar mein varnit nyaaya, kaanoon ka raaj, maanavaadhikaar evam maulik svatantrata hetu vaishvik sahamati ban paae.

iska mukhyaalaya pairis, France mein sthit hai.

parichay

yoonesko ke 195 sadasya desh hain aur saat sahayogi sadasya desh aur do paryavekshak sadasya desh hain. iske kuchh sadasya svatantr desh bhi naheen hain. iska mukhyaalaya peris (France) mein hai. iske jyaadaar kshetreeya kaaryaalaya klastar ke roop mein hai, jiske antargat teen-chaar desh aate hain, iske alaava iske raashtreeya aur kshetreeya kaaryaalaya bhi hain. yoonesko ke 27 klastar kaaryaalaya aur 21 raashtreeya kaaryaalaya hain.

yoonesko mukhyat: shiksha, praakrutik vigyaan, saamaajik evam maanav vigyaan, sanskruti evam soochana va sanchaar ke jariye apni gatividhiyaan sanchaalit karta hai. vah saaksharata badhaanevaale kaaryakramon ko praayojit karta hai aur vaishvik dharohar ki imaaraton aur paarkon ke sanrakshan mein bhi sahayog karta hai. yoonesko ki viraasat soochi mein hamaare desh ke kai aitihaasik imaarat aur park shaamil hain. duniya bhar ke 332 antararaashtreeya swayamsevi sangathanon ke saath yoonesko ke sambandh hain. filhaal yoonesko ke mahaanideshak aayareena bokova hain. Bhaarat 1946 se yoonesko ka sadasya desh hai.

baahari kadiyaaain